تاجکستان کی طرف سے سیلاب زدگان کے لیےامدادی سامان پاکستان کے حوالے

تاجکستان کی طرف سے سیلاب زدگان کی امداد کے لئے 80 گاڑیوں پر مشتمل امدادی سامان حکومت پاکستان کے حوالے کردیا گیا جن میں پانچ سو ٹن آٹا، ایک ہزار ٹن سیمنٹ، ایک ہزار ٹن کوئلہ، پانچ سو کارٹن پانی کی بوتلیں اور دو ہزار چھتوں کے شیٹس شامل ہیں۔ اس سلسلے میں جمرود این ایل سی ٹرمینل میں ایک تقریب منعقد ہوئی جس میں تاجکستان کے سفیر عصمت اللہ نظیر، وزیراعظم پاکستان میاں محمد شہباز شریف کے مشیر امیر مقام کے علاوہ این ڈی ایم اے کے حکام اور علاقائی مشران نے شرکت کی۔ تقریب میں 80 گاڑیوں پر مشتمل امدادی سامان جس میں 500 ٹن آٹا، 1000 ٹن سیمنٹ، 1000ٹن کوئلہ، 500 کاٹن پانی، 20000 چھتوں کے شیٹ شامل تھے۔

امیر مقام اور این ڈی ایم اے حکام کے حوالے کیں۔ یہ سامان ورلڈ فوڈ پروگرام کے ذریعے سیلاب سے متاثرہ علاقوں کو منتقل کرکے این ڈی ایم اے کے ذریعے پاکستان میں سیلاب زدگان میں تقسیم کیا جائے گا۔ تقریب میں اسسٹنٹ کمشنر جمرود شکیل احمد اتمانزئی کے علاوہ پاکستان مسلم لیگ سردار اعظم افریدی، عمران لالا، بادشاہ آفریدی، سید ولی شاہ، امان اللہ، زرولی آفریدی کے علاوہ کثیر تعداد میں متعلقہ محکموں کے افسران نے شرکت کی۔تقریب سے وزیراعظم کے مشیر امیر مقام اور تاجکستان کے سفیر عصمت اللہ نظیر نے خطاب کیا اور کہا کہ تاجکستان حکومت اور لوگوں کی طرف سے یہ امداد بھیج دی گئی ہے تاکہ مشکل کی اس گھڑی میں پاکستان مسلم برادر ملک کی عوام کی خدمت و مدد کرسکیں۔

تقریب سے امیر مقام نے خطاب میں کہا کہ امسال پاکستان میں سیلاب نے چاروں صوبوں سمیت کشمیر اور گلگت بلتستان سمیت تباہی مچا دی ہے۔ جن میں 14 سو افراد جاں بحق ہوئے، ہزاروں کی تعداد میں لوگ زخمی جبکہ لاکھوں افراد بے گھر ہوئے۔ اب وزیراعظم میاں محمد شہباز شریف کی قیادت میں ان کی بحالی کریں گے۔ انہوں نے کہا کہ تاجکستان کی جانب سے سیلاب زدگان کے لئے بیجھا گیا امدادی سامان حکومت پاکستان کے حوالے کیا گیا۔

انہوں نے کہا کہ ہم تاجکستان کی حکومت اور عوام کا شکریہ ادا کرتے ہیں۔ جنہوں نے ہمیشہ مشکل وقت میں پاکستان کا ساتھ دیا ہے۔ پاکستانی حکومت کے تاجکستان کے ساتھ مضبوط باہمی روابط و دوستی ہے۔ تاجکستان کے ساتھ ہمارے بجلی اور گیس کے منصوبے پائپ لائن میں ہیں۔ انہوں نے کہا کہ امدادی اشیاء ٹرکوں میں سرحدی راستے سے افغانستان کے راستے پاکستان پہنچا۔تقریب سے تاجکستان کے سفیر عصمت اللہ نظیر نے خطاب میں کہا کہ پاکستان میں کروڑوں لوگ سیلاب سے متاثر ہوئے ہیں۔ تاجکستان کی حکومت و عوام ان سخت حالات میں پاکستانی بھائیوں کے ساتھ ہیں۔انہوں نے کہا کہ تاجکستان حکومت اپنے پاکستانی بھائیوں کے ساتھ ہر ممکن تعاون کریگی۔ انہوں نے مزید کہا کہ تاجکستان اور پاکستان کے درمیان مضبوط برادرانہ تعلقات ہیں اور عالمی برادری سے التماس کیا کہ وہ بھی پاکستان کی مدد کریں۔

انٹر سکول سوئمنگ چیمپئن شپ اختتام پذیر ہوگئی

انٹر سکول سوئمنگ چیمپئن شپ اختتام پذیر ہوگئی

سابق وزیرسید عاقل شاہ، ڈائریکٹر جنرل پراسیکوشن مختیار احمد اورڈی جی گلیات خالد محمود نے انعامات تقسیم کئے
پشاور (سپورٹس رپورٹر) خیبر پختونخوا سوئمنگ ایسوسی ایشن کے زیر اہتمام انٹر سکول سوئمنگ چیمپئن شپ ختم ہوگئی، سابق صوبائی وزیر کھیل وصدر خیبرپختونخوا اولمپک ایسوسی ایشن سید عاقل شاہ، ڈائریکٹر جنرل پراسیکوشن مختیار احمد اور ڈائریکٹر جنرل گلیات ڈویلپمنٹ اتھارٹی خالد محمود نے کھلاڑیوں میں انعامات تقسیم کئے۔ان کے ہمراہ خیبرپختونخوا سوئمنگ ایسوسی ایشن کے صدر آصف اورکزئی، اسسٹنٹ ڈائریکٹر اسد خان، انٹر نیشنل کوالیفائید سوئمنگ کوچ موبین سمیت دیگر شخصیات موجود تھیں، خیبرپختونخوا سوئمنگ ایسوسی ایشن کے زیراہتمام منعقدہ چیمپئن شپ میں 100 کھلاڑیوں نے حصہ لیا۔ 50 میٹر فری سٹائل انڈر 14 میں احمد حسن ن پہلی، زیان نے دوسری اور محمد علی نے تیسری، 50 میٹر فری سٹائل انڈر 10 میں عبدالرافع نے پہلی، عارف وجدان نے دوسری اور طلحہ مظہر نے تیسری، 50 میٹر فری سٹائل انڈر میں بلال جبار نے پہلی، اذلان نے دوسری، ذووالفقار اور محمد اویس نے تیسری، 10 میٹر فری سٹائل انڈر میں اعزاز نے پہلی، شہریار نے دوسری اور ابوبکر نے تیسری، 50 میٹر فری سٹائل انڈر 12 میں بلال آفتاب نے پہلی، ذلان نے دوسری، محمد حسین نے تیسری پوزیشن حاصل کی۔ نوشہرہ کے صفیان کو بہترین سوئمر قرار دیا گیا۔

ماحولیاتی تبدیلیوں کےاثرات پر ورکشاپ کا انعقاد

پشاور میں ماحولیاتی تبدیلیوں کے خاتمے اور اس کے اثرات کے حوالے سے قانون سازی پر مشاورتی ون ڈے ورکشاپ کاانعقاد کیا گیا ۔جس میں تحصیل مئیر سردار شجاع نبی ۔نو منتخب سٹی مئیر تحصیل ناظم اور محکمہ بلدیات کے سیکٹری ظہیر السلام اور دیگر آفسران نے شرکت کی۔
وارکشاپ میں ماحولیاتی مسائل اس کے اثرات اور مستقبل کی حکمت عملی اختیار کرنے پر مکمل بریفنگ دی گئی
جس کا بنیادی مقصد اس بات پر زور دینا تھا کہ ماحولیاتی تبدیلی کے چیلنج کا سامنا کرنے کے لئے سرکاری اور نجی سطح پر مالیات کی فراہمی ضروری ہے تاکہ بڑے پیمانے پر ترقی اور منتقلی کے عمل کو تیز کیا جاسکےاور ماحولیاتی تبدیلیوں کے تدارک کیلئے اقدامات کا اٹھانا تھا۔تاکہ پاکستان کو درپیش خطرات کا بروقت ازالہ کیا جا سکے۔

آئی سی سی مینز ٹی ٹونٹی ورلڈکپ کے لیے پاکستانی اسکواڈ کا اعلان

آئی سی سی مینز ٹی ٹونٹی ورلڈکپ اور انگلینڈ کے خلاف قومی کرکٹ ٹیم کے اسکواڈ کا اعلان کردیا گیا۔ اس بات کا اعلان چیئرمین سلیکشن کمیٹی محمد وسیم نے لاہور میں پریس کانفرنس کرتے ہوئے کیا۔

15 کھلاڑیوں پر مشتمل اسکواڈ میں بابر اعظم (کپتان)، شاداب خان (نائب کپتان)، آصف علی اور حیدر علی شامل ہیں. حارث رؤف، افتخار احمد، خوشدل شاہ، محمد رضوان (وکٹ کیپر) اور محمد حسنین اسکواڈ میں شامل ہیں. محمد نواز، محمد وسیم جونیئر، نسیم شاہ، شاہین شاہ آفریدی، شان مسعود اور عثمان قادر 15 کھلاڑیوں میں شامل.
فخر زمان، محمد حارث (وکٹ کیپر) اور شاہنوازدھانی ٹریول ریزرو کی حیثیت سے سفر کریں گے.  ایونٹ 16 اکتوبر سے 13 نومبر تک آسٹریلیا میں کھیلا جائے گا.

سلیکٹرز نے فخر زمان اور شاہین شاہ آفریدی کے علاوہ ٹی ٹونٹی ورلڈکپ کے لیے اعلان کردہ تمام کھلاڑیوں کو انگلینڈ کے خلاف سیریز میں شامل کیا ہے. فخر زمان گھٹنے میں تکلیف کے باعث انگلینڈ سیریز کے لیے دستیاب نہیں ہیں
آلراؤنڈر عامر جمال اور اسپنر ابرار احمد کو بھی انگلینڈ کے خلاف سات ٹی ٹونٹی انٹرنیشنل میچز کے لیے اسکواڈ میں کیا گیا ہے

خیبرپختونخوا میں  ڈینگی کیسز میں اضافہ

خیبرپختونخوا میں  ڈینگی کیسز میں اضافہ ہونے لگا۔

خیبرپختونخوا میں مزید 310 افراد ڈینگی وائرس سے متاثرہوئے ہیں۔ محکمہ صحت کے مطابق صوبے میں ڈینگی سے متاثرہ مریضوں کی تعداد 3 ہزار 520 تک پہنچ گئ ہے ۔گزشتہ 24 گھنٹوں کے دوران 30 مریض اسپتال میں داخل ہوئے۔

دیر لوئر میں 46 اور مردان میں 39 مریض گزشتہ روز ڈینگی وائرس سے متاثر ہوئے ہیں۔

islamia college peshawar

اسلامیہ کالج پشاور میں سپورٹس کوٹہ پر داخلے کیلئے طلباء کے ٹرائلز کا شیڈول جاری

پشاو; پشاور کے تاریخی اہمیت کے حامل تعلیمی درسگاہ اسلامیہ کالج پشاور میں سپورٹس کوٹے پر داخلے کیلئے طلبہ کھلاڑیوں کا شیڈول جا ری کردیا گیا،شیڈول کے تحت طلبہ کے ٹرائلز19ستمبر سے شروع ہونگے،سکواش کے کھلاڑیوں کے ٹرائلز 19ستمبر کو پشاور یونیورسٹی کے سکواش کورٹس پر اور20ستمبر کوکرکٹ کے ٹرائلزاسلامیہ کالج کے کرکٹ گرائونڈپر لئے جائینگے، 21ستمبر کو بیڈمنٹن کے ٹرائلز اسلامیہ کالج کے تکبیر ہال میں ہونگے،والی بال کے ٹرائلز22ستمبر کو اسلامیہ کالج کے والی بال گرائونڈ ،23ستمبر کو ہاکی ٹرائلزاسلامیہ کالج کے ہاکی گرائونڈ پر لیئے جائینگے،جبکہ 26ستمبر کو اتھلیٹکس کے ٹرائلزاسلامیہ کالج کرکٹ گرائونڈ،26ستمبر کو ٹیبل ٹینس کے ٹرائلزاسلامیہ کالج کے تکبیر ہال،28ستمبر کو فٹ بال ٹرائلزاسلامیہ کالج کے فٹ بال گرائونڈ،باسکٹ بال کے ٹرائلز29ستمبر کو اسلامیہ کالج کے باسکٹ بال کورٹ،جبکہ لان ٹینس کے ٹرائلز 30ستمبر کو اسلامیہ کالج کے ٹینس کورٹس پر منعقد ہونگے۔اسی طرح اسلامیہ کالج میں سپورٹس کوٹہ پر داخلہ لینے والی طالبات کے ٹرائلزشیڈول کے مطابق 3اکتوبر کوٹیبل ٹینس اوربیڈمنٹن کے ٹرائلز اسلامیہ کالج کے تکبیر ہال میں ہونگے،اسی طرح 4اکتوبر کو اتھلیٹکس کے ٹرائلزاسلامیہ کالج کے کرکٹ گرائونڈ پر لیئے جائینگے۔

ضلع سوات میں ہوائی فائرنگ، اتش بازی پر پابندی عائد

سوات: ضلع سوات میں دفعہ 144 نافذ کرتے ہوئے ہوائی فائرنگ اور آتش بازی پر پابندی عائد کردی گئی ہے۔ ڈسٹرکٹ مجسٹریٹ سوات جنید خان کی جانب سے جاری حکم نامے میں کہا گیا ہے کہ خلاف ورزی کی صورت میں سیکشن 188 پی پی سی کے تحت کارروائی عمل میں لائی جائے گی۔ حکم نامے میں کہا گیا ہے کہ خوشی کے لمحات اور مختلف تقریبات کے دوران ہوائی فائرنگ اور آتش بازی کے واقعات دیکھنے میں آرہے ہیں اور ایسے رجحانات ضلع میں پر امن فضاء کو خراب کرنے کے ساتھ ساتھ انسانی جانوں کے لئے خطرات کا سبب بن سکتے ہیں لہذا پابندی لگائی جاتی ہے۔ پابندی کا اطلاق 60 دنوں کے لئے ہوگا