bise-peshawar

پشاورتعلیمی بورڈ  نے انٹر کے  نتاج کا اعلان کردیا

پشاور پشاورتعلیمی بورڈ  نے انٹر کے  نتاج کا اعلان کردیا۔
پری میڈیکل میں طلبات اور پری انجنیئرنگ میں طلبہ بازی لے گئے۔
زینب ظہور خان 1064 نمبر لیکر پہلی، ایمن گلالی 1063 نمبر کے ساتھ دوسری اور طوبہ عظیم نے 1061 نمبر لیکر تیسری پوزیشن حاصل کرلی۔
پری انجنیئرنگ میں توقیر زمان نے 1059، شارق نے 1046 اور فیضان اللہ نے 1037 نمبر حاصل کئے
جنرل گروپ میں غفران محمود 1053 نمبر لیکر پہلی، عدنان خلیل 1027 نمبر لیکر دوسرے اور ثناء اللہ 1013 نمبر تیسری پوزیشن حاصل کرنے میں کامیاب۔
پاس ہونے کی شرح 93 فیصد رہی۔کل 59 ہزار 644 طلبہ نے امتحان دیا 55 ہزار 856 کامیاب ہوئے۔

خیبر پختونخوا ڈینگی صورتحال: مزید 385کیسز رپورٹ

پشاور:گزشتہ چوبیس گھنٹوں میں ڈینگی کے مزید 385کیسز رپورٹ ہوئے ہیں۔ ,پشاور 222, ،مردان 54،ہری پور 19،کوہاٹ سے 19 نئےکیسز رپورٹ  ہوئے جبکہ صوبہ بھر میں ایکٹیو کیسز کی تعداد 2314 ہوگئی۔

گزشتہ 24 گھنٹوں میں مختلف ہسپتالوں میں 31 نئے مریض داخل۔ پشاور ۔ تاحال 95 ڈینگی مریض ہسپتالوں میں زیر علاج ہیں جبکہ 7599ڈینگی سے متاثرہ افراد صحت یاب ہوئے ہیں۔

 رواں سال صوبہ بھر میں اب تک مجموعی کیسز کی تعداد 9921 رپورٹ۔ رواں سال صوبے میں اب تک ڈینگی سے ابتک 8 افراد جاں بحق ہو چکے ہیں۔

0a4db961-6d5a-4e4e-983e-8c0b31b35dc0

مردان جیل میں سپورٹس گالہ کا انعقاد

ڈسٹرکٹ سپورٹس آفیس مردان اور ڈسٹرکٹ یوتھ آفیس مردان کے اشتراک سے مردان جیل میں سپورٹس گالہ اور تفریخی پروگرام کا انعقاد ہوا۔

جیل میں یہ اپنی نوعیت کا ایک منفرد پروگرام تھا جس میں قیدیوں اور جیل انتظامیہ کے درمیان محتلف کھیلوں کے مقابلے منعقد ہوئے۔ اس کے ساتھ ساتھ جیل میں قیدیوں کی تفریح کے لئے ایک موقع فراہم کیا گیا۔
پاکستان کے نامور اداکار سید رحمان شینو اور جمشید علی خان نے پروگرام میں شرکت کرکے پروگرام کو چار چاند لگائے۔ انکے مزاحیہ خاکوں سے قیدیوں کے چہروں پر خوشی کی لہر دوڑ گئی۔ اور سالوں بعد انکو تفریخ کا موقع میسر آیا۔
اسکے علاؤہ جیل میں قید حواتین کے چھوٹے بچوں کو حصوصی کیش انعامات اور کھلونے دے گئے تاکہ انکو اپنے گھر سے دوری محسوس نہ ہو۔
بعد میں مقابلوں میں نمایاں پوزیشن حاصل کرنے والے کھلاڑیوں میں نقد انعامات اور ٹرافیاں تقسیم کی گئی۔

تقریب کے مہمان حصوصی ایم پی اے عبدالسلام آفریدی تھے۔ تقریب میں ڈپٹی کمشنر مردان خبیب اللہ عارف۔ ڈی پی او ڈاکٹر عرفان اللہ مردان۔ سپرٹنڈنٹ مردان جیل ریاض مہمند۔ ڈسٹرکٹ یوتھ آفیسر عثمان خان۔ ڈسٹرکٹ سپورٹس آفیسر ابزار احمد نے بھی شرکت کی۔
مقررین نے تقریب سے خطاب کرتے ہوئے حصوصی پر ڈسٹرکٹ یوتھ آفیسر مردان عثمان خان اور ڈسٹرکٹ سپورٹس آفیسر ابزار احمد کا شکریہ ادا کیا جنکی کاوشوں سے اتنا بڑا ایونٹ منعقد ہوا۔

خیبر پختونخوا کی طرف سے بلوچستان کے سیلاب زدہ اضلاع کے لیئے امداد روانہ

خیبر پختونخواہ حکومت نے صوبہ بلوچستان کے سیلاب سے متاثرہ اضلاع میں جانوروں کیلیے ادویات ویکسین اور دیگر ضروری اشیاء پر مشتمل 10ٹرکوں کو روانہ کی.ا خیبر پختونخوا حکومت کی خصوصی ہدایات کی روشنی محکمہ لائیوسٹاک کے سیکرٹری ڈاکٹر محمد اسرار اور ڈائریکٹر جنرل توسیع ڈاکٹر عالمزیب مہمند کے نگرانی میں محکمہ زراعت ولائیوسٹاک نے بلوچستان ڈویژن کے سیلاب سے متاثرہ دو اضلاع جعفر آباد اور صحبت پور کیلیے 10 ٹرکوں پر مشتمل ادویات ویکسین اورجانوروں کی دیگر ضروری خوراک اور علاج معالجہ کیلیے اشیاء روانہ کئے جبکہ لائیوسٹاک توسیع ونگ نے 4 ٹیموں پر مشتمل ایک وفد بھی جانوروں کی باقاعدہ علاج کیلیے بھیجا جوکہ قابل اور باصلاحیت ویٹرنری ڈاکٹروں پر مشتمل ہے جومذکورہ دو اضلاع میں وہاں کے ضلعی انتظامیہ کے ساتھ مل کر ایک مہینے تک اپنی خدمات سرانجام دینگے.

سیکرٹری ڈاکٹر محمد اسرار اور ڈی جی عالمزیب مہمند نے وفد کو ضروری ہدایات کرکے رخصت کیا اس موقع پر خطاب کرتے ہوئے ڈاکٹر محمد اسرار نے کہا کہ مصیبت کی اس گھڑی میں بلوچستان حکومت کے ساتھ ہر ممکن تعاون کرینگے صحبت پوراور جعفر آباد میں جانوروں کی علاج کیلیے قابل ویٹرنری ڈاکٹروں کو بھیجا گیا جواپنی خدمات کو بھرپور طریقے سے انجام دینگے انہوں نے کہا کہ یہ ہمارے لئے فخر کی بات ہے کہ دوسرے صوبے ہمارے خدمات سے مستفید ہوسکے انسانیت کے ساتھ ساتھ جانوروں کی خدمت بھی عبادت سے کم نہیں جانور بے زبان مخلوق ہے اس کی خدمت کیلیے ہر ممکن اقدام اٹھائینگے انہوں نے کہا کہ بلوچستان کے ذیادہ تر علاقے دیہاتی ہیں اور وہاں کے لوگوں ذیادہ تر انحصار زراعت ولائیوسٹاک پر منحصر ہے مشکل کے اس وقت میں ہماری حکومت بھرپور تعاون کررہی ہے

pak bangla new zealand tri series 2022

پاکستان، بنگلہ دیش اور نیوزی لینڈ کے مابین سہ ملکی سیریز کی ٹرافی کی رونمائی کردی گئی

پاکستان، بنگلہ دیش اور نیوزی لینڈ کے مابین سہ ملکی سیریز کی ٹرافی کی رونمائی کردی گئی۔
پاکستان کے کپتان بابر اعظم، نیوزی لینڈ کے کین ولیمسین اور بنگلہ دیش کی جانب سے نورل حسن نے ٹرافی کی رونمائی کی۔
تینوں ٹیمیں کرائسٹ چرچ پہنچ چکی ہیں۔
پاکستان کی ٹیم سیریز میں اپنا پہلا میچ 7 اکتوبر کو بنگلہ دیش کے خلاف کھیلے گی۔

ایبٹ آباد تعلیمی ثانوی بورڈ نے ایف اے /ایف ایس سی پارٹ2کے نتائج کا اعلان کردیا

ایبٹ آباد تعلیمی ثانوی بورڈ ایبٹ آباد نے ایف اے /ایف ایس سی پارٹIIکے نتائج کا اعلان کردیا۔تعمیر وطن پبلک سکولز اینڈ کالجز ایبٹ آباد اورمانسہرہ کیمپسز کی طالبات نے ایبٹ آباد بورڈ میں پہلی‘دوسری اورتیسری پوزیشنیں حاصل کرلیں۔آرٹس گروپ میں سرکاری تعلیمی اداروں کی طالبات نے پہلی‘دوسری اورتیسری پوزیشن حاصل کی۔ایک طالب علم ٹاپ تھری میں جگہ بنانے میں کامیاب رہا۔اس حوالہ سے سوموار کے روز ایبٹ آباد تعلیمی بورڈ کے آڈیٹوریم ہال میں تقریب منعقد ہوئی۔تقریب کے مہمان خصوصی خیبرپختونخوا کے وزیرتعلیم شہرام ترکئی تھے۔کنٹرولر امتحانات پروفیسربابر ایاز نے ایف اے /ایف ایس سی پارٹIIکے نتائج کا اعلان کرتے ہوئے بتایا کہ ایف اے/ایف ایس سی پارٹ IIکے امتحانات میں مجموعی طورپر38ہزار598طلباء وطالبات نے حصہ لیا۔30ہزار258طلباء وطالبات نے کامیابی حاصل کی۔

نتائج کا تناسب78.3فیصدرہا۔تعمیر وطن پبلک سکولز اینڈکالجز ایبٹ آبادکیمپس کی طالبہ نرما خان نے 1057نمبر حاصل کرکے مجموعی طورپر ایبٹ آباد بورڈ میں پہلی‘گورنمنٹ پوسٹ گریجویٹ کالج ہری پور کی طالبہ اریبہ مرتضیٰ اورتعمیر وطن مانسہرہ کیمپس کی طالبہ ام حبیبہ نے 1056نمبر حاصل کرکے دوسری جبکہ تعمیروطن مانسہرہ کیمپس کی طالبہ فاطمہ جاوید نے 1053نمبر حاصل کرکے تیسری پوزیشن حاصل کی۔

پری انجینئرنگ گروپ میں تعمیر وطن ایبٹ آباد کیمپس کی طالبات حرم نذیر نے 1052نمبر حاصل کرکے پہلی‘عائشہ مسعود نے 1051نمبر حاصل کرکے دوسری جبکہ برائیٹ ویژن ماڈل سکول اینڈ کالج ہری پور کی طالبہ نے 1047نمبر حاصل کرکے تیسری پوزیشن حاصل کی۔کمپیوٹر /جنرل سائنس گروپ میں برائیٹ ویژن ماڈل سکول اینڈ کالج ہری پور کی طالبہ سید ہ نورفاطمہ نے 1012نمبر حاصل کرکے ایبٹ آباد بورڈ میں پہلی‘تعمیر وطن ایبٹ آباد کیمپس کی طالبہ الیشبہ نعیم نے 1003نمبر حاصل کرکے دوسری جبکہ گورنمنٹ پوسٹ گریجویٹ کالج نمبر1ایبٹ آباد کے طالب علم جنید زیب نے 1002نمبر حاصل کرکے ایبٹ آباد بورڈ میں تیسری پوزیشن حاصل کی۔آرٹس گروپ میں گورنمنٹ گرلز ہائیر سیکنڈری سکول لساں نواب مانسہرہ کی طالبہ صبغہ ستار نے 971نمبر حاصل کرکے ایبٹ آباد بورڈ میں پہلی‘ گورنمنٹ گرلز ہائیر سیکنڈری سکول شیرون کی طالباتسندس طارق نے 961نمبر حاصل کرکے دوسری‘زینب بی بی نے 954نمبر حاصل کرکے ایبٹ آباد بورڈ میں تیسری پوزیشن حاصل کی۔

خیبرپختونخوا کے 22 اضلاع میں ٹائیفائیڈ ویکسینیشن مہم کا آغاز

پشاور:خیبرپختونخوا کے 22 اضلاع کے شہری علاقوں میں ٹائیفائیڈ کنجوگیٹ ویکسینیشن مہم کا آغازصوبائی وزیر صحت و خزانہ تیمور سلیم خان جھگڑا نے ٹائیفائیڈ کنجوگیٹ ویکسینیشن مہم کاا پولیس انیڈ سروسز ہسپتال پشاور میں آج باقاعدہ افتتاح کیا۔افتاتحی تقریب میں وزیر صحت و خزانہ کی موجودگی میں بچوں کو ٹائیفائیڈ ویکسین لگائی گئی۔
اس موقع پر ڈائریکٹر جنرل ہیلتھ سروسز خیبرپختونخوا ڈاکٹر شاہین آفریدی، ایڈیشنل ڈائریکٹر جنرل ہیلتھ سروسز ڈاکٹر شاہد یونس، ڈائریکٹر ای پی آئی ڈاکٹر محمد عارف خان، جنرل سیکریٹری پی۔پی۔اے ڈاکٹر باور شاہ، عالمی ادارہ صحت کے ڈاکٹر بابر عالم اور یونیسف کے صوبائی چیف عبداللہ ہی محمد یوسف بھی موجود تھے۔

ٹائیفائیڈ کنجوگیٹ ویکسینیشن مہم 3 اکتوبر سے 15 اکتوبر تک خیبرپختونخوا کے 22 اضلاع کے شہری علاقوں میں جاری رہی گی۔ اس مہم میں 9 ماہ سے 15 سال کے تقریباً 28 لاکھ بچوں کو ٹائیفائیڈ کنجوگیٹ کی ویکسین لگائے جائے گی۔
اس موقع پر صوبائی وزیر صحت و خزانہ تیمور سلیم خان جھگڑا نے کہا کہ صوبے کے ان اضلاع میں کمپین چلائی جارہی ہے جہاں ٹائیفائڈ کے کیسز میں اضافے کا خدشہ ہے۔
انہوں نے شراکت دار اداروں کا کمپین میں حکومت خیبرپختونخوا کا ساتھ دینے پر شکریہ ادا کرتے ہوئے کہا کہ محکمہ صحت کے عملے اور تمام شراکت دار اداروں کو کورونا سمیت دیگر ویکسینیشن کمپینز میں خدمات کی فراہمی پر خراج تحسین پیش کرتا ہوں۔
انہوں نے خیبرپختونخوا حکومت کی محکمہ صحت کے ہنگامی صورتحال میں اوردیگر اقدامات پر روشنی ڈالتے ہوئے کہا کہ سیلاب سے متاثرہ مراکز صحت صوبہ خود اپنے فنڈز سے بحال کرے گی۔ محکمہ صحت میں تیز تر ترقیاتی کام کیلئے زیادہ تر انتظامی اختیارات ہسپتال ایم ایس اور کمیٹیوں کو دے دیے گئے ہیں۔ ۔ سات مہینوں کے اندر صوبے کے 7 سو سے زائد مراکز صحت کی بحالی، فعالی اور تزئین و آرائش ہوچکی ہے۔ صحت کارڈ کیساتھ ساتھ اصلاحات کے نفاذ سے محکمہ صحت کی خدمات کی بجاوری میں بہتری لارہے ہیں۔ انہوں نے مزید کہا کہ صحت اصلاحات میں اداروں کی تعاون کی ضرورت ہے۔
ڈائریکٹر ای پی آئی نے کہا کہ آج لنڈی ارباب میں سکول کے بچوں کو ٹائیفائیڈ ویکسینیشن مہم کے دوران کچھ بچے گھبراہٹ کا شکار ہو گئے تھے، جس کو فوراً نزدیک ہسپتال منتقل کیا گئے تھے اور ان کی حالت اب بالکل ٹھیک ہیں اور اپنے گھروں کو واپس جا چکے ہیں۔
ڈائریکٹر ای پی آئی خیبرپختونخوا ڈاکٹر عارف نے کہا کہ صوبے بھر میں مہم کامیابی سے جاری ہے۔ انہوں نے والدین سے درخواست کی ہے کہ اس مہم میں محکمہ صحت کا ساتھ دیں اور اپنے بچوں کو ٹائفائیڈ سے بچاؤ کا حفاظتی ٹیکہ ضرور لگوائیں۔
خیبر پختونخوا کے 22 اضلاع ایبٹ آباد، بنوں، چارسدہ، چترال پایان، ڈیرہ اسماعیل خان، دیر بالا، دیر پایان، ہنگو، کرک، کوہاٹ، کرم بالا، لکی مروت، مانسہرہ، مالاکنڈ، مردان، پشاور، سوات، صوابی، ہری پور، ٹانک اور خیبر میں ٹائیفائیڈ کے خلاف 12 روزہ ویکسینیشن مہم چلائی جائے گی۔

قومی کرکٹ ٹیم سہ فریقی سیریز میں شرکت کے لیے نیوزی لینڈ پہنچ گئی

قومی کرکٹ ٹیم سہ فریقی سیریز میں شرکت کے لیے نیوزی لینڈ پہنچ گئی
سیریز میں پاکستان اور بنگلہ دیش کے علاوہ میزبان نیوزی لینڈ کی ٹیمیں شرکت کررہی ہیں. سہ فریقی سیریز کے تمام میچز کرائسٹ چرچ میں کھیلے جائیں گے.
اسکواڈ میں 16 کھلاڑی اور اسپورٹ اسٹاف کے 13 ارکان شامل ہیں. قومی اسکواڈ ایک روز آرام کے بعد جمعرات سے کرائسٹ چرچ میں ٹریننگ کا آغاز کرے گا. سہ فریقی سیریز میں پاکستان اپنا پہلا میچ 7 اکتوبر کو بنگلہ دیش کے خلاف کھیلے گا.

خیبرپختونخوا میں مزید 287 افراد میں ڈینگی وائرس کی تصدیق

پشاور: خیبرپختونخوا میں ڈینگی کے وار بدستور جاری، مزید 287 افراد میں وائرس کی تصدیق۔
گزشتہ روز مزید 33افراد ڈینگی کے باعث ہسپتالوں میں داخل ہوئے۔ محکمہ صحت کا کہنا ہے کہ اس وقت صوبے کے مختلف ہسپتالوں میں دینگی کے 83مریض زیر علاج ہیں۔
صوبے میں اس وقت ڈینگی کے فعال کیسوں کی تعداد 2ہزار 177 ہوگئی۔
صوبے میں اب تک مجموعی طور پر 9ہزار 536 افراد ڈینگی سے متاثر ہوئے۔اب تک قاتل وائرس کے ہاتھوں صوبہ بھر میں 8افراد جاں بحق ہوچکے ہیں۔