خیبر پختونخوا :نگران صوبائی کابینہ نے حلف اٹھا لیا

پشاور: نگران صوبائی حکومت کے 14 ارکان نے بحیثیت صوبائی وزراء اپنے عہدے کاحلف اٹھا لیا۔

گورنرخیبرپختونخوا حاجی غلام علی نے نگران صوبائی وزراء سے ان کے عہدے کا حلف لیا

نگران وزیراعلٰی محمد اعظم خان بھی تقریب حلف برداری میں شریک تھے۔

بحثیت نگران صوبائی وزیر حلف لینے والوں میں عبدالحلیم قصوریہ، سید مسعود شاہ، حامدشاہ، ایڈووکیٹ ساول نذیر، بخت نواز،فضل الہی، عدنان جلیل، شفیع اللہ خان، حاجی غفران، خوشدل خان ملک، تاج محمدآفریدی، محمدعلی شاہ، جسٹس(ر) ارشاد قیصر, شاہد خان خٹک شامل ہیں۔

گورنر خیبرپختونخواہ حاجی غلام علی کا نگران صوبائی وزراء کو مبارکباد، نیک تمناؤں کا اظہار

تقریب میں چیف سیکرٹری ڈاکٹرشہزادبنگش، انسپکٹر جنرل پولیس معظم جاہ انصاری،کمشنر پشاور ریاض محسود، انتظامی محکموں کے سربراہان سمیت سیاسی وسماجی شخصیات کی شرکت

وزیراعظم ٹیلنٹ ہنٹ پروگرام : قومی،صوبائی ہاکی لیگز شیڈول کا اعلان

پشاور: وزیراعظم ٹیلنٹ ہنٹ پروگرام کے سلسلے میں قومی اور صوبائی ہاکی لیگز کے شیڈول کا اعلان کر دیا گیا ہے اس سلسلے میں ٹیلنٹ ہنٹ سپورٹس ڈرائیور کے پراجیکٹ منیجر عدنان سعید نے باقاعدہ طور پر شیڈول جاری کیا ہے۔

وزیراعظم ٹیلنٹ ہنٹ پروگرام کے تحت شروع ہونیوالی ہاکی لیگ کے شیڈول کے حوالے سے کے پی میں پروگرام کے کوآرڈی نیٹر اور ڈائریکٹر سپورٹس پشاور یونیورسٹی بحرکرم نے میڈیا سے بات چیت کرتے ہوئے کہا کہ بلوچستان میں چھبیس اور ستائیس جنوری کو کیمپ ہوگا جبکہ اٹھائیس جنوری سے دو فروری تک لیگ کے میچ ہوں گے یہ مقابلے نواز غوث بخش رئیسانی ہاکی گراؤنڈ‘ایوب سٹیڈیم کوئٹہ میں ہوں گے‘ سندھ میں مرد و خواتین کے مقابلے بھی اٹھائیس سے دو فروری تک اصلاح الدین اکیڈمی کراچی میں ہورہے ہیں۔

آئی سی ٹی‘گلگت‘اے جے کے کے مینز و ویمنز مقابلوں کے شیڈول کے مطابق پانچ فروری کو ٹیمیں نصیر بندہ ہاکی سٹیڈیم اسلام آباد اور شہناز شیخ ہاکی سٹیڈیم راولپنڈی پہنچیں گی‘چھ اورسات فروری کو کیمپ لگے گا جبکہ میچ آٹھ سے بارہ فروری تک ہوں گے‘خیبرپختونخوا کے مینز و ویمنز مقابلوں کے شیڈول کے مطابق چھ فروری کو ٹیمیں آسٹروٹرف ہاکی گراؤنڈ اسلامیہ کالج پشاور پہنچیں گی‘ سات اور آٹھ فروری کو کیمپ لگائے جائیں گے جبکہ میچ نو سے تیرہ فروری تک ہوں گے پنجاب کے مینزو ویمنز ہاکی مقابلوں کے لئے ٹیمیں نیشنل ہاکی سٹیڈیم لاہور اٹھارہ فروری کو پہنچیں گی‘کیمپ انیس اور بیس فروری کو لگے گا جبکہ میچ اکیس سے پچیس فروری تک ہوں گے۔

اس کے بعد بہترین اور ونر ٹیموں کے درمیان نیشنل ہاکی لیگ اسلام آباد یا کراچی میں ہوں گی ٹیموں کی آمد کی تاریخ یکم مارچ مقرر کی گئی ہے‘منیجرز میٹنگ دو مارچ کو ہوگی‘ٹریننگ کیمپ تین مارچ جبکہ نیشنل ہاکی لیگ کے میچ چھ سے سولہ مارچ تک منعقد ہوں گے‘کوآرڈی نیٹر بحرکرم نے بتایا کہ مقابلوں کے لئے پشاور میں ابھی سے تیاریاں کی جارہی ہیں‘کھلاڑیوں اور آفیشلز کو بہترین سہولتیں فراہم کی جائیں گی امید کی جارہی ہے کہ کے پی کی ٹیمیں اچھی پرفارمنس دیں گی اور نیشنل ہاکی لیگ میں بھی توقعات پر پورا اتریں گی۔

پہلی خیبرپختونخوا بیڈمنٹن لیگ 27 جنوری سے منعقد ہو گی

پشاور: پہلی خیبرپختونخوا بیڈمنٹن لیگ 27 جنوری سے پشاور سپورٹس کمپلیکس میں شروع ہوگی جس میں صوبے کی چھ بہترین ٹیمیں مد مقابل ہونگے،جس میں انٹر نیشنل کھلاڑی مراد علی اور قاری عدنان سمیت نیشنل جونیئر اور سینئرز کھلاڑی شرکت کررہے ہیں، ان خیلات کا اظہار ڈائریکٹریٹ آف سپورٹس خیبرپختونخوا کے سینئر کوچزو آرگنائزر ندیم خان اور حیات اللہ نے میڈیا سے گفتگو کرتے ہوئے کیا.

انہوں نے کہا کہ یہ لیگ ڈائریکٹریٹ آف سپورٹس خیبرپختونخوا اور صوبائی بیڈمنٹن ایسوسی ایشن کے تعاون سے پہلی مرتبہ منعقد ہورہا ہے جس میں خیبرپختونخوا کی چھ ٹیمیں جن میں پشاور فالکن، بنوں گرین، دی رائل، کے پی پولیس، فیوچر چیمپئنز کے پی، جے جے سپورٹس پشاور کی ٹیمیں شامل ہیں بیڈمنٹن لیگ30 جنوری تک جاری رہیگی۔ انہوں نے کہا کہ اس لیگ کا مقصد فروری میں منعقد نیشنل جونیئر وسینئر چیمئن شپ کیلئے کھلاڑیوں کی تیاری ہے جس میں جونیئرز کو سینئر ز کھلاڑیوں سے بہت کوچ سیکھنے کو ملے گا.

انہوں نے کہا اس لیگ کے کامیاب انعقاد کے بعد بہت جلد پاکستان بیڈمنٹن لیگ کا بھی انعقاد کیاجائیگا۔ انہوں نے اس لیگ کے انعقاد میں ڈائریکٹرجنرل سپورٹس خیبرپختونخوا خالد خان کا بھی شکریہ ادا کیا جنہوں نے اس لیگ کے انعقاد میں خصوصی دلچسپی ظاہر کی۔ امید ہے کہ کھلاڑیوں اور شائقین بیڈمنٹن کو بہترین میچز دیکھنے کو ملیں گے۔ اس لیگ میں نیشنل چیمپئن مراد علی، ساؤتھ ایشین چیمپئن قاری عدنان، نیشنل جونیئر کھلاڑی محمد زید، انڈر 19 کے عمر جہانگیر، انڈر15کے چیمپئن فہد احمد، انڈر 13 چیمپئن نجم ثاقب، انڈر16 چیمپئن تیمورخان کے علاوہ شعیب ریاض، عبداللہ لطیف، ذوہیب خان خلیل، طاہر خان، عزیر خان، حمزہ خان، افنان خان سمیت کئی جونیئر اور سینئر کھلاڑی شامل ہیں۔

The Election Commission has given the date of elections on February 11

الیکشن کمیشن کا خیبر پختونخوا میں عام انتخابات15 -17 اپریل کروانے کا نوٹیفکیشن جاری

الیکشن کمیشن آف پاکستان نے خیبر پختونخوا میں صوبائی عام انتخابات 15 اپریل سے 17 اپریل 2023 کے درمیان کرانے اور ‏پنجاب میں عام انتخابات 9 اپریل سے 13 اپریل کے درمیان کروانے کا نوٹیفکیشن جاری کر دیا ہے۔

اس سے قبل الیکشن کمیشن نے پختونخوا اورپنجاب میں الگ الگ تاریخوں پر انتخابات کرانے کی تجویز دی تھی۔

الیکشن کمیشن کا پنجاب اور کے پی گورنرز کو انتخابات کی تاریخ مقرر کرنے کے لیے خط جس میں عام انتخاب کے لیے مجوزہ پولنگ ڈے کے حوالے سے تجویز دی ہے۔ خط کے متن کے مطابق الیکشن کمیشن نے دونوں صوبوں میں الگ الگ دن انتخابات کرانے کی تجویز۔

صوبوں میں عام انتخابات کی تاریخ مقرر کرنے کا اختیار گورنر کے پاس ہے۔خط کے متن مے مطابق الیکشن کمیشن نے انتخابی اخراجات کا تخمینہ لگایا گیا ہے۔ اس حوالے سے ‏ الیکشن کمیشن نے وفاقی حکومت سے 14 ارب روپے اضافی مانگے ہیں۔

الیکشن کمیشن نے پہلے وفاقی حکومت کو خط لکھ کر 47 ارب روپےاخراجات کا تخمینہ ‏بھیجا تھا۔ الگ الگ دن عام انتخابات کرانے سے تقریبا 14 ارب روپے اضافی خرچ ہوں گے

‏ الیکشن کمیشن نے انتخابات کے لئے 61 ارب 80 کروڑ روپے کا تخمینہ لگایا ہے۔ الیکشن کمیشن نے وفاقی حکومت سے فوری 20 ارب روپے جاری کرنے کی درخواست کر ‏دی۔

1541cc38-e70e-4a24-a8e3-44ca6e1d78ef

ضلع مہمند میں شجر کاری مہم کا آغاز

 مہمند : ضلع مہمند میں باقاعدہ طور پر سپرنگ سیزن موسم بہار میں شجر کاری مہم کا افتتاح کیا گیا جس میں مہمان خصوصی لوئر مہمند ناظم اعلیٰ ملک نوید احمد ڈویجنل ڈسٹرکٹ فارسٹ آفیسر ارسلان طارق رینجر آفیسر عطاء اللہ نے لوگوں میں مختلف قسم کے پودے مفت تقسیم کئیے۔

فارسٹ آفیسر ارسلان طارق نے کہا اس سال ضلع مہمند کے مختلف علاقوں میں سترہ لاکھ اٹھائیس ہزار پودے مفت لکائے جائیں گے۔ طارق ارسلان نے کہا کہ اج سے باقاعدہ طور پر سپرنگ سیزن کا آغاز کردیا ہے اوریہ سلسلہ مارچ تک جاری رہے گا۔

انہوںنے کہا کہ غیر قانونی طریقے سے جنگلات کی کٹائی کرنے والوں کے خلاف قانونی کارروائی کرینگے کیونکہ اب قبائلی علاقوں میں بھی دوسرے اضلاع کی طرح تمام قانون لاگو کردئیے گئے ہیں۔ انہوں نے کہا کہ کٹائی  کے لیئے قانونی پرمٹ جاری کیا جائے گا ۔

642407_55023639

اوگرا نے پیٹرول اور ڈیزل کی قلت کی خبروں کو مسترد کردیا

اسلام آباد: اوگرا نے ملک میں پیٹرول اور ڈیزل کی قلت کی خبروں کو مسترد کردیا.

آئل اینڈ گیس ریگولیٹری اتھارٹی (اوگرا) نے ملک میں پیٹرول اور ڈیزل کی قلت سے متعلق قیاس آرائیوں کی تردید کردی۔

ترجمان اوگراملک میں بالترتیب 18 اور 37 دنوں کی مانگ کوپورا کرنے کیلئے پیٹرول و ڈیزل کے ذخائر دستیاب ہیں. 

ترجمان کا کہنا تھا کہ پیٹرول کے ایک لاکھ ایک ہزار میٹرک ٹن کے حامل بحری جہاز برتھ پر ہیں اور مقامی ریفائنریز پیٹرولیم مصنوعات کی طلب کو پورا کرنے میں بھرپورکردار ادا کر رہی ہیں۔

mardaan

مردان میں پٹرول کی مصنوعی قلت کا نوٹس لے لیا گیا

مردان: بعض مقامات پر بجلی کی ایک بار پھر بندش کے باعث پٹرول پمپوں کی جانب سے پٹرول کی مقرر کردہ قیمت سے زائد وصولی اور مصنوعی قلت پیدا کرنے کے حوالے سے شہریوں کی شکایات پر ڈپٹی کمشنر مردان کیپٹن(ر) عبدالرحمان کا نوٹس، ایڈمنسٹریشن افسران کو فوری طور پر پمپوں کا معائنہ کرنے کی ہدایات ۔

اس ضمن میں ایڈیشنل اسسٹنٹ کمشنر ہیڈکوارٹر جنید خالد، ایڈیشنل اسسٹنٹ کمشنر افتاب عالم اور براق اعوان کا مختلف پپمپوں کا دورہ پٹرول کا ریٹ اور سٹوریج ٹینکوں کی چیکینگ۔

ایڈیشنل اسسٹنٹ کمشنرز نے سٹوریج ٹینکوں کا معائنہ کیا تاہم زیادہ تر پٹرول پمپوں میں پٹرول نہیں پایا گیا جبکہ ریٹ سرکار کے مطابق پائی گئی۔

مذید ایڈمنسٹریشن افسران نے کہا کہ پٹرول کے ٹینکرز پمپوں میں پہنچنا شروع ہو گئے ہیں تاہم جلد شہریوں کو ترسیل شروع کر دہ جائیگی۔

ایڈیشنل اسسٹنٹ کمشنرز نے پمپ مالکان اورمنیجرز کو مصنوعی قلت پیدا کرنے اور منافع خوری سے گریز کرنے کی ہدایات جاری کی اور کہا کہ مذید پمپوں کا معائنہ جاری ہے۔

Electricity-635x380

خیبر پختونخوا میں بجلی بریک ڈاون ختم: پیسکو حکام

پیسکو حکام کا کہنا ہے کہ خیبر پختونخوا کے تمام اضلاع میں بجلی مکمل طور پر بحال کر دی گئی ہے۔

خیبر پختونخوا کے 112 گرڈ سٹیشنوں میں بجلئ بحال کر دئی گئی ہے اور سی ای او پیسکو عارف محمود بجلئ کی ترسیل کا ازخود جائزہ لے رہے ہیں۔

 کچھ فیڈرز میں بجلی کے مرمتی کام کی وجہ سے بجلئ عارضی طور پر منقطع ہے۔بجلی کا مرمتی کام مکمل ہوتے ہی دیگر علاقہ جات میں بھی بجلی بحال کر دی جائے گی۔ 

دوسری طرف وزارت توانائی کا کہنا ہے کہ نیشنل گرڈ کے تمام 1112 گرڈ اسٹیشنز بحال ہو چکے ہیں۔ تقریبا 6600 MW کوئلے اور 3500 MW کے نیوکلیئر پاور پلانٹس کو ایمرجنسی شٹ ڈاؤن کے بعد ترسیلی نظام سے دوبارہ لنک ہونے کیلئے 48 سے 72 گھنٹے درکار ہوتے ہیں۔
لہٰذا تب تک 2 سے 4 گھنٹے لوڈمینیجمنٹ کرنی پڑ سکتی ہے۔