All posts by : Webdesk

صوبائی وزیر تعلیم کا فاخاشولے یونیورسٹی میں منعقدہ تقریب سے خطاب ۔ہمیں اپنی آنے والے نسل کو مہارتوں اور صلاحیتوں سے لیس کرنا ہوگا ۔ اقوام عالم کا ہم پلہ بننے کیلیے  نہ صرف تعلیمی میدان بلکہ تمام شعبوں میں آگے بڑھنا ہوگا ۔ صوبائی حکومت اور محکمہ اعلیٰ تعلیم شانہ بشانہ اس سلسلے میں مختصانہ کاوشیں کررہے ہیں ۔عالمی سطح پر تعلیم کے شعبے میں تبدیلیاں متقاضی ہیں کہ ہم روایتی طریقوں سے جدید طریقہ کی طرف متوجہ ہوں۔  جدید دنیا میں تمام ممالک ہر شعبے میں ایک دوسرے کے ساتھ تعاون کررہے ہیں اور ایک دوسرے کے تجربات سے فائدہ اٹھا رہے ہیں ۔ اس سے ہمارے طلباء فیکلٹی اور ادارے بھی آگے بڑھ سکیں گے۔ فاخاشولے خیبر پختونخوا اور ملک کے نوجوانوں کو آسان فلیٹ فارم مہیا کررہی ہے  تاکہ ہمارے نوجوان دنیا میں اپنا مقام پیدا کرسکے اور صوبے کو علم اور معیشت کا مرکز بناسکے ۔عالمی سطح پر تعلیم کے شعبوں میں تعاون سیکھنے کے عمل کو فروغ حاصل ہوگا ۔صوبائی حکومت نوجوانوں کو جدید تعلیم سے روشناس کرانے کیلیے عالمی سطح پر کاوشیں جاری رکھےگی ۔ تاکہ ہماری نوجوان نسل اقوام عالم میں کامیاب ہو اور مواقعوں سے فائدہ اٹھا سکے ۔تقریب میں صوبائی وزراء فیصل خان، ارشد ایوب ،اپوزیشن لیڈر و ممبر قومی اسمبلی عمر ایوب خان،ممبر صوبائی اسمبلی اکبر ایوب،ممبران برٹس کونسل یوکے اور دیگرشر کا نے شرکت کی ۔

محکمہ موسمیات کی پیش گوئی کے مطابق 25تا29 اپریل کے دوران ملک کے مختلف حصوں میں آندھی، جھکڑاور گرج چمک کے ساتھ بارش متوقع۔26تا27 اپریل کے دوران بلوچستان نوشکی، پشین، ہرنائی، ژوب، بارکھان،، گوادر، کیچ آواران کے مقامی اور برساتی ندی نالوں میں سیلابی صورتحال کا خدشہ27تا28 اپریل کے دوران دیر، سوات، چترال، مانسہرہ اور کوہستان کے مقامی ندی نالوں میں موسلادھار بارش کے باعث سیلابی صوتحال متوقع27 تا29 اپریل کے دوران تیز بارش کے باعث بالائی خیبر پختونخواہ، مری، گلیات، کشمیر اور گلگت میں لینڈ سلائیڈنگ بھی متوقع این ڈی ایم اے نے تمام پی ڈی ایم ایز اور دیگر انتظامی اداروں کو کسی بھی قسم کی ہنگامی صورتحال سے نمٹنے کے لیے الرٹ رہنے کی ہدایت دیدی ہے ۔کاشتکار فصل خصوصاً گندم کی کٹائی کے حوالے سے موسم کو مد نظر رکھتے ہوئے معمولات تشکیل دیں۔سیاح و مسافر پہاڑی علاقوں میں غیر ضروری سفر سے اجتناب کریں۔سفر ضروری ہو تو موسم اور راستوں کی صورتحال سے آگاہ رہیں۔بہاؤ تیز ہونے کی صورت میں برساتی ندی نالوں کو پار کرنے سے گریز کریں۔اپنی حفاظت کو یقینی بنانے کے لیے بجلی کے کھمبوں،کچی عمارتوں، ٹوٹی دیواروں اور چھتوں سے دور رہیں۔نشیبی علاقوں کے مکین ندی نالوں میں طغیانی کے خدشے کے پیش نظر محتاط رہیں۔موسم برسات میں نقصان سے بچاؤ کے لیے چھتوں، تہہ خانوں اور بیرونی دیواروں کی واٹر پروفنگ کو یقینی بنائیں۔نکاسی آپ کو یقینی بنانے کے لیے برقت ضروری اقدامات کے ساتھ ساتھ دیواروں اور چھتوں میں شگاف /کریک کی بر وقت مرمت یقینی بنائیں۔

خیبر پختونخوا انٹگریٹڈ سکیورٹی آرکیٹیکچر کی ایپکس کمیٹی کا چوتھا اہم اجلاس میں کور کمانڈر پشاور لیفٹیننٹ جنرل حسن اظہر حیات، متعلقہ کابینہ اراکین، چیف سیکرٹری اور آئی جی پی خیبر پختونخوا کے علاوہ اعلیٰ سول و عسکری حکام اور متعلقہ وفاقی اداروں کے حکام کی شرکت۔اجلاس میں خیبر پختونخوا میں غیر قانونی سرگرمیوں کی روک تھام کیلئے فورم کے گذشتہ اجلاس میں کیے گئے فیصلوں پر عملدرآمد کا تفصیلی جائزہ۔سول اور عسکری حکام کا دہشت گردی میں معاون ثابت ہونے والی غیر قانونی سرگرمیوں کے خاتمے کے عزم کا اعادہ۔ان غیر قانونی سرگرمیوں میں بھتہ خوری، حوالہ ہنڈی، غیر قانونی اسلحہ،  اسمگلنگ، جعلی دستاویز سازی،  منشیات کی اسمگلنگ اور دیگر سرگرمیاں شامل ہیں۔غیر قانونی  سرگرمیوں کے خاتمے کے لیے متعلقہ صوبائی و وفاقی اداروں کے درمیان کوآرڈینیشن کو بہتر بنانے کی ضرورت پر زور۔اجلاس میں غیر قانونی سرگرمیوں کی مؤثر روک تھام کے لئے وفاق سے جڑے مسائل کو حل کرنے کے لیے سنٹرل ایپکس کمیٹی کا اجلاس پشاور میں منعقد کرنے کی سفارش۔اجلاس میں این سی پی گاڑیوں کی پرو فائلنگ اور مدارس کی رجسٹریشن سے متعلق معاملات کا بھی جائزہ۔ دہشتگردی میں معاون ثابت ہونے والی غیر قانونی سرگرمیوں کی موثر روک تھام کے لئے سخت اقدامات جاری رکھنے کا فیصلہ۔ان سرگرمیوں کے موثر تدارک کے لئے متعلقہ وفاقی و صوبائی محکمے اور انٹیلیجنس ادارے مل کر مربوط کاروائیاں کریں گے۔اجلاس میں بھتہ خوری اور منشیات  سنگین مسئلہ قرار۔بھتہ خوری کے موثر سدباب کے لئے تمام  متعلقہ قانون نافذ کرنے والے اداروں پر مشتمل مشترکہ ٹاسک فورس بھی بنانے کا فیصلہ۔بھتہ خوری کے مسئلے سے موثر انداز میں نمٹنے کے لئے سی ٹی ڈی کے اختیارات کو بڑھانے کا فیصلہ۔اس سلسلے میں ضروری قانون سازی کرنے کا بھی اصولی فیصلہ۔شرکاء کا بھتہ خوری اور منشیات کے استعمال سمیت دیگر غیر قانونی سر گرمیو میں ملوث عناصر سے  آہنی ہاتھوں سے نمٹنے کا عزم۔

اجلاس میں اسمگلنگ میں معاونت فراہم کرنے والے سرکاری اہلکاروں کے خلاف سخت سے سخت کارروائی کا فیصلہ۔اسمگلنگ کی روک تھام کے لئے جوائنٹ چیک پوسٹوں کو مضبوط بنانے اور انہیں جدید ٹیکنالوجی سے لیس کرنے کا فیصلہ۔تعلیمی اداروں میں منشیات کی سپلائی پر خصوصی نظر رکھنے اور ملوث عناصر کے خلاف بلا امتیاز کارروائیاں جاری رکھنے کا فیصلہ۔صوبے میں منشیات کے عادی افراد کی بحالی کے لئے اسٹیٹ آف دی آرٹ بحالی مرکز قائم کرنے کا بھی  فیصلہ۔منشیات کے کاروبار میں ملوث عناصر کو سخت سے سخت سزائیں دینے کے لئے قوانین میں ترمیم کا فیصلہ۔منشیات کی تیاری اور سپلائی میں ملوث بڑے مگر مچھوں کے خلاف کریک ڈاؤن تیز کرنے کا فیصلہ۔غیر قانونی اور ممنوعہ اشیاء کی اسمگلنگ کی روک تھام کے لئے موثر ٹریس اینڈ ٹریک سسٹم بنانے کا فیصلہ۔

ایپکس کمیٹی کے اجلاس میں کئے گئے فیصلوں پر عملدرآمد کے لئے اضلاع کی سطح پر  بنائی گئی کمیٹیوں کو مزید موثر بنانے کا فیصلہ۔غیر قانونی سرگرمیوں کے تدارک کے لئے پولیس،  ایکسائز،  کسٹم، اے این ایف اور دیگر اداروں کو مضبوط بنانے کا فیصلہ۔متعلقہ حکام کو اس سلسلے میں مل بیٹھ کر قابل عمل پلان ترتیب دینے کی ہدایت۔پورے ملک میں اس حوالے سے  یکساں پالیسی اور نظام متعارف کروانے کے لئے وفاقی حکومت کو  سفارش۔صوبے میں چلنے والی این سی پی گاڑیوں سے متعلق کوئی حتمی فیصلے کے لئے وفاق سے معاملہ اٹھانے کا فیصلہ۔اجلاس میں دھماکہ خیز مواد کے غیر قانونی استعمال کے تدارک سے متعلق امور پر غوروخوض اور اہم فیصلے۔صوبے میں شادی بیاہ اور دیگر تقاریب میں آتش بازی پر پابندی لگانے کا فیصلہ۔دھماکہ خیز مواد کے کاروبار کے لئے پہلے سے جاری کردہ اجازت ناموں کے آڈٹ کا فیصلہ۔اجلاس میں ڈسٹرکٹ ایکسپلوسیو کمیٹیوں کے مانیٹرنگ سسٹم کو موثر بنانے کا فیصلہ۔درہ آدم خیل میں اسلحے کے کاروبار کو باضابطہ صنعت کا درجہ دینے پر غوروخوض۔ تین لاکھ سے زائد غیر قانونی غیرملکی باشندے رضاکارانہ طور اپنے وطن واپس جاچکے ہیں۔اگلے مرحلے میں افغان سٹیزن کارڈ ہولڈرز کی پروفائلنگ پر کام جاری ہے۔گذشتہ ایک سال کے دوران 6 ارب روپے سے زائد مالیت کی اسمگل شدہ اشیاء ضبط کی گئی ہیں۔منشیات کے خلاف مشترکہ کارروائیوں میں 78 ٹن منشیات ضبط کی گئی ہیں۔اب تک 3571 مدارس کی رجسٹریشن کی گئی ہے۔90 لاکھ سے زائد غیر قانونی موبائل سمز بلاک کری گئی ہیں۔حوالہ ہنڈی کے خلاف کارروائیوں میں 1.93 ارب روپے ضبط کئے گئے ہیں۔گذشتہ چار مہینوں میں ایک لاکھ سے زائد این سی پی گاڑیوں کی پروفائلنگ کی گئی ہے۔

وزیر اعلی خیبر پختونخوا علی امین گنڈاپورکا کہنا تھا کہ صوبے میں امن و امان کی موجودہ صورتحال کے تناظر میں خیبر پختونخوا انٹگریٹڈ سکیورٹی آرکیٹیکچر جیسے فورمز کی اشد ضرورت ہے ۔یہ فورم نہ صرف صوبے بلکہ پورے ملک کے لئے اہمیت کا حامل ہے۔صوبے میں سکیورٹی کی موجودہ صورتحال میں تمام اداروں کو مل جل کر کام کرنے کی ضرورت ہے۔صوبے میں امن و امان کی صورتحال کو بہتر بنانے کے لئے سول اور عسکری اداروں کے درمیان مربوط کوآرڈینیشن اور ٹیم ورک کی ضرورت ہے۔اجلاس میں گذشتہ دنوں دہشتگردی کے واقعات میں سکیورٹی فورسز اور قانون نافذ کرنے والے اداروں کے جوانوں کی شہادت پر فاتحہ خوانی۔شہداء کے درجات کی بلندی اور پسماندگان کے لئے صبر جمیل کی دعا۔سکیورٹی فورسز اور قانون نافذ کرنے والے اداروں کے جوانوں کی قربانیوں کو خراج تحسین۔صوبے اور ملک میں امن کے لئے سکیورٹی اور قانون نافذ کرنے والے ادارے بے مثال قربانیاں دے رہے ہیں۔ قوم کی خاطر اپنی جانوں کا نذرانہ پیش کرنے والے اہلکاروں کو سلام پیش کرتے ہیں۔

کھلی کچہری کی صدارت کمشنر مردان ڈویژن مردان شوکت یوسفزئی اور ڈپٹی کمشنر مردان فیاض خان شیرپاو نے کی۔کھلی کچہری میں سکیرٹری ٹو کمشنر سہارہ طہاب ، اے سی آفتاب عالم، ٹی ایم او تخت بھائی نور نبی ،تحصیلدار و ریونیو سٹاف سمیت محکمہ 1122، تعلیم، ایریگیشن، ایم ایس ٹی ایچ کیو، واپڈا، سوشل ویلفیئر، سوئی گیس کمیونیکیشن اینڈ ورکس سمیت دیگر سرکاری محکموں کے افسران کے علاوہ منتخب چئیرمین و ممبران ، وکلاء سماجی اداروں کے ارکان و عوام کی کثیر تعداد موجود تھی۔اس موقع پر کمشنر مردان ڈویژن شوکت یوسفزئی کو مختلف محکموں کے خلاف شکایات میں شامل انتقلات و سروس ڈیلوری سنٹر سے متعلق ، صفائی ستھرائی، زیادہ نرخ،نکاس آب، یوٹلٹی سٹورز، تجاوزات، گلی کوچوں کی تعمیر و مرمت، ہسپتالوں سے متعلق کے علاوہ دیگر مسائل اور تجاویز پیش کی۔کمشنر مردان ڈویژن شوکت علی یوسفزئی نے بعض مسائل کو موقع پر حل کرنے جبکہ بعض مسائل کو محکموں کو جلد از جلد حل کرنے کیلئے ہدایات جاری کی تاکہ عوامی شکایات کا ازالہ کیا جا سکے۔کمشنر مردان ڈویژن شوکت علی یوسفزئی نے واضح کیا کہ صوبائی حکومت و ضلعی انتظامیہ کی کوشش ہے کہ عوامی مسائل انکی دہلیز پر حل کئیے جائیں۔ اسی لئے ضلعی انتظامیہ شہری و دیہاتی علاقوں میں جاکرعوامی مسائل کے حل کیلئے اقدامات اٹھا رہی ہے اور عوام سرکاری افسران و محکموں میں بلا جھجک آئیں اور کسی شکایات کی صورت میں ہم سے رابطہ کریں۔ عوام کو انکی دہلیز پر سہولیات فراہم کرنا ترجیحات میں سے ہیں۔

چترال کے سرکاری سکولوں میں داخلہ مہم کے سلسلے میں ایک واک اور گورنمنٹ پرایمری سکول چترال میں ایک تقریب کا بھی انعقاد کیا گیا۔ واک کی قیادت اسسٹنٹ کمشنر چترال ڈاکٹر عاطف جالب کررہے تھےجبکہ ان کے ہمراہ سکول کا ہیڈ ٹیچر اور محکمہ تعلیم کے ہلکار بھی موجود تھے۔ سکولوں میں داخلہ مہم اور عوام کو ان کی طرف راغب کرنے کیلیے اس واک اور تقریب کا اہتمام ہیلویٹاس کے تعاون سے منعقد کرایا۔ اس واک میں محکمہ تعلیم کے اہلکار بچے اور بچیاں اور اساتذہ بھی شامل تھے۔ واک چترال بازار سے ہوتے ہویے گورنمنٹ پرایمری سکول میں احتتام پذیر ہوا۔ اس کے بعد اسی سکول میں ایک تقریب بھی منعقد ہوا۔ تقریب سے  محکمہ تعلیم کے اہلکاروں ، اساتذہ اور ضلعی انتظامیہ کے افسران نے بھِی اظہار حیال کیا۔

تقریب سے خطاب کرتے ہویے ڈپٹی ایجوکیشن افیسر شاہد  حسین  نے کہا کہ سرکاری سکولوں میں اب نہایت کوشش کی جاتی ہے کہ طلباء معیاری تعلیم حاصل کرے۔ اے سی چترال ڈاکٹر عاطف جالب نے کہا کہ سرکاری سکول اب معیاری تعلیم میں کسی سے کم نہیں ہے۔ انہوں نے کہا کہ میں یقین سے کہتا ہوں کہ جو بچے سرکاری تعلیمی اداروں میں سبق پڑھتے ہیں وہ کسی طرح بھی نجی سکولوں میں پڑھنے والے بچوں سے پیچھے نہیں ہے۔ انہوں نے والدین پر زور دیا کہ وہ اپنے بچوں کو سرکاری سکولوں میں داحل کرایے اور کم از کم ہفتہ دو ہفتے بعد سکول جاکر ان کی کارکردگی بھی پوچھا کرے اس سے ایک طرف بچے اور ان کے اساتذہ کو بھی احساس ہوگا کہ ان کی نگرانی بھی کررہا ہے۔ انہوں نے کہا کہ صوبای حکومت ان سرکاری سکولوں کی معیار بہتر کرنے کیلیے ہر طرح کی کوشش کرتی ہے عوام کو چاہیے کہ وہ اس سے بھر پور طریقے سے استفادہ حاصل کرتے ہویے اپنے بچوں کو ان سکولوں میں داخل کرایے۔ انہوں نے کہا کہ صوبای حکومت کا جو نعرہ ہے کہ علم سب کیلیے اس کا مطلب یہ ہوا کہ ہمیں چاہیے کہ ہر بچے کو سکول بھیجے تاکہ کوی بھی بچہ تعلیم سے محروم نہ رہے۔ سرکاری سکولوں میں داخلہ مہم یکم مارچ سے شروع ہوا تھا  جو تیس اپریل تک جاری رہے گا۔ اس دوران پاکستانی بچوں کے ساتھ ساتھ افغان مہاجرین کے بچے بھِی ان سکولوں میں داخل کرایے جاتے ہیں تاکہ وہ بڑے ہوکر اعلے تعلیم یافتہ بن سکے اور تعلیم سے محروم رہ کری کسی قسم کے منفی سرگرمیوں یا جرایم پیشہ نہ ہو۔

 محکمہ تعلیم کے اہلکاروں نے کہا کہ لوییر چترال کے لیے اس سال داخلے کا ہدف ۵۴۱۶ مقرر ہے جس میں ۲۷۰۰ بچوں نے ان سکولوں میں داخلہ لیا ہوا ہے۔ انہوں نے مزید کہا کہ ان میں سے ۱۳۰۰ طلباء نجی تعلیمی اداروں سے آکر سرکاری سکولوں میں داخلہ لے چکے ہیں۔ انہوں نے کہا کہ نجی سکولوں سے اپنے بچوں کو نکال کر سرکاری سکولوں میں داخل کرنے یہ ثابت ہوتا ہے کہ عوام کا ان سکولوں پر اعتماد بحال ہوچکا ہے۔ڈی ای او شاہد حسین نے کہا کہ گزشتہ سال لوییر چترال کارکردگی کے لحاظ سے  صوبہ بھر میں ٹاپ تھری پوزیشن میں رہا جو ایک ایک خوش ایند بات ہے اور داخلہ بھی اپنی ہدف سے زیادہ ہوا تھا۔ ہیلوٹاس کے فیلڈ آفیسر اظہر اقبال نے بھی تقریب سے خطاب کرتے ہویے کہا کہ ان کا ادارہ ۱۹۸۰میں قایم ہوا ہے اور ملک بھر میں افغان مہاجرین کے بچوں اور بچیوں کو فارمل اور نان فارمل تعلیم دلانے میں بھر پور انداز سے کوشش کررہی ہے ۔ اس تنظیم کے تعاون سے سکول میں آنے والے نیے بچوں اور بچیوں کو سکول بیگ بھی دیے گیے جن کا اے سی چترال نے باقاعدہ داخلہ رجسٹر میں انٹری کرکے ان کو داخل کروایا۔ اس تقریب میں کثیر تعداد میں طلباء، اساتذہ اور سماجی کارکنوں نے بھِی شرکت کی جو بعد میں مولوی محمد ولی انصاری کی دعاعیہ کلمات کے ساتھ احتتام پذیر ہوا۔