Daily Archives: October 25, 2022

لکی مروت:سیکورٹی فورسز کی گاڑی پر حملہ

میانوالی روڈ پر سیکورٹی فورسز کی گاڑی پر نامعلوم افراد نے  فائرنگ اور دستی بم سے حملہ  کیا۔ حملے میں کوئی جانی نقصان نہیں ہوا۔

حملے میں  گاڑی الٹنے سے 7 اہلکاروں کے زخمی ہونے کی اطلاع ہیں۔

زخمی ہونے والے ایک اہلکار کو سٹی ہسپتال جبکہ 6 اہلکاروں کو ڈسٹرکٹ ہیڈکوارٹر ہسپتال منتقل کر دیا گیا ہے۔

پشاور: ڈینگی سے ایک اور متاثرہ مریض جاں بحق  جس سے اب تک  جاں بحق افراد کی تعداد 15 ہو گئی۔

گزشتہ چوبیس گھنٹوں میں ڈینگی کے مزید 223کیسز رپورٹ ہوئے ہیں اورصوبہ بھر میں رواں سال مجموعی کیسز کی تعداد 16847 ہوگئی  جبکہ پ 15463  متاثرہ افراد صحت یاب ہوئے ہیں ۔

صوبہ بھر میں ایکٹیو کیسز کی تعداد 1369 ہوگئی۔گزشتہ 24گھنٹوں میں پشاور 182،ملاکنڈ سے 30 کیسز رپورٹ

گزشتہ 24 گھنٹوں میں مختلف ہسپتالوں میں 3 نئے مریض داخل ہوئے ہیں اور اس وقت 74 ڈینگی مریض ہسپتالوں میں زیر علاج ہیں۔

خیبرپختونخوا کے 28 اضلاع میں پانچ روزہ انسدادِ پولیو مہم  کا آج دوسرا روز ہے۔

17 اضلاع میں مکمل طور پر جبکہ 11 اضلاع کے کچھ علاقوں میں پولیو مہم چلائی جائیگی

مہم کے دوران 5 سال سے کم عمر کے 44 لاکھ بچوں کو پولیو کے حفاظتی قطرے پلائی جائے گی۔ سیکرٹری صحت کے مطابق مہم کے دوران لکی مروت، ٹانگ، ڈی آئی خان اور ساوتھ وزیرستان پر خصوصی توجہ دی جائیگی۔ انتظامیہ پکڑ دھکڑ کی بجائے دوسرے طریقہ کار سے والدین کو قائل کرنے کی کوشش کررہی ہے۔

مہم ضلع پشاور اور خیبر میں دو دن اضافے کیساتھ 22 سے 30 اکتوبر تک چلائی جائیگی۔  پولیو مہم کے لئے ٹوٹل 18747 ٹیمیں تشکیل دی گئی ہیں۔ ان میں 16789 موبائل، 746 ٹرانزٹ، 1147 فکسڈ اور  65 رومنگ ٹیمیں پولیو مہم میں حصہ لے رہی ہے جبکہ  ٹوٹل 34072 افراد مہم میں حصہ لیں گے۔

سپیشل سیکرٹری داخلہ وقبائلی امور پرویز خان کا کہنا ہے کہ  پولیو ٹیموں کے لئے فل پروف سیکورٹی کے انتظامات یقینی بنائی جائیگی۔

 اس سلسلے میں تمام متعلقہ محکموں کو مہم کامیاب بنانے کے لئے بہترین کوارڈنیشن قائم رکھنے کی ہدایت کی گئی ہے۔