ُہداا

خیبر پختونخوا میں موسم بہار کی شجرکاری مہم برائے سال 2022 کا آغاز

وزیر اعلی خیبر پختونخوا محمود خان نے  موسم بہار کی شجرکاری مہم کا باضابطہ افتتاح کیا۔وزیر اعلی نے سی ایم ہاوس کے لان میں پودا لگا کر مہم کا افتتاح کیا۔

مہم کے تحت صوبہ بھر میں 10 کروڑ سے زائد پودے لگائے جائیں گے۔اس مقصد کے لئے محکمہ جنگلات نے 10 کروڑ سے زائد پودے مفت تقسیم کئے ہیں۔مہم کے تحت فارسٹ ریجن-1 میں 3 کروڑ 40 لاکھ،  ریجن-2  میں 4 کروڑ 20 لاکھ جبکہ ریجن-3 میں 2 کروڑ 60 لاکھ سے زائد پودے لگائے جائیں گے۔یہ مہم قومی سطح پر 10 بلین ٹری پراجیکٹ کا حصہ ہے۔ وزیراعلیٰ کا اس موقع پر کہنا تھا کہ

جنگلات کا تحفظ اور شجرکاری کا فروع شروع دن سے موجودہ حکومت کی ترجیحات میں شامل رہا ہے۔خیبر پختونخوا میں بلین ٹری منصوبے کے 100 فیصد اہداف حاصل کئے گئے ہیںصوبے میں ٹین بلین ٹری کے اہداف کے حصول کے لئے پیشرفت جاری ہے۔انھوں نے کہا کہ تین بلین ٹری پراجیکٹ کے تحت صوبے میں مزید ایک ارب پودے لگائے جائیں گے۔

cc2056e0-2092-4374-92db-c122b71da38b

بلوچستان میں سیکیورٹی فورسز کی کارروائی میں 10 دہشت گرد ہلاک: آئی ایس پی آر

‏راولپنڈی: سیکیورٹی فورسز نے بلوچستان کے علاقے ہوشاب میں آپریشن کر کے 10 دہشت گردوں کو ہلاک کردیا۔

پاک فوج کے شعبۂ تعلقاتِ عامہ (آئی ایس پی آر) کے مطابق سیکیورٹی فورسز نے بلوچستان کے علاقے ہوشاب میں دہشت گردوں کے کیمپ اور ٹھکانے کی موجودگی کی اطلاع پر انٹیلی جنس بیس آپریشن کیا۔

آئی ایس پی آر کے مطابق سیکیورٹی فورسز سے شدید فائرنگ کے تبادلے میں کمانڈر آصف عرف مکیش سمیت 10 دہشت گرد ہلاک ہوئے۔
پاک فوج کے ترجمان نے بتایا کہ ہلاک ہونے والے دہشت گرد بلوچستان کے علاقے تربت اور پسنی میں سیکیورٹی فورسز پر ہونے والے حالیہ حملوں اور فائرنگ کے واقعات میں ملوث تھے۔

سیکیورٹی فورسز نے دہشت گردوں کے قبضے سے بھاری مقدار میں اسلحہ اور گولہ بارود بھی برآمد کیا جبکہ آئی ایس پی آر نے کہا کہ دہشت گردی کے مرتکب عناصر کے خاتمے کے لیے کارروائیاں جاری رہیں گی، دہشت گردوں کو بلوچستان کے امن، استحکام اور ترقی کو سبوتاژ کرنے کی اجازت نہیں دی جائے گی۔

23a81e0f-77e2-405b-894d-852376f302f0

خیبرپختونخوا کامیاب جوان ٹیلنٹ ہنٹ ریسلنگ 7 مارچ سے

پشاور:پشاور یونیورسٹی کے رجسٹرار سیف اللہ نے کہا ہے کہ وزیراعظم عمران خان کے وژن کے مطابق کامیاب جوان سپورٹس ڈرائیو کے سلسلے میں ٹیلنٹ ہنٹ سکیم کے تحت ریسلنگ کے ٹرائلز کی میزبانی اور آرگنائزنگ ڈائریکٹوریٹ آف سپورٹس پشاور یونیورسٹی کو دی گئی ہے جو پشاور یونیورسٹی کے لئے بہت بڑا اعزاز ہے’وہ  ڈائریکٹوریٹ آف سپورٹس پشاور یونیورسٹی کے احاطے میں منعقدہ پریس کانفرنس کررہے تھے .

رجسٹرار پشاور یونیورسٹی سیف اللہ نے ریسلنگ کے اوپن ٹرائلز کے شیڈول کااعلان کرتے ہوئے کہا ہے پشاور یونیورسٹی میں سات مارچ کو کھلاڑیوں کے ویٹس ہوں گے جبکہ ریسلنگ ٹرائلز آٹھ مارچ کو ہوں گے مردان کی عبدالولی خان یونیورسٹی مردان میں گیارہ مارچ کو ویٹس ہوں گے جبکہ ٹرائلز بارہ مارچ کو ہوں گے ‘سوات میں گورنمنٹ پوسٹ گریجویٹ جہانزیب کالج میں پندرہ مارچ کو ویٹس جبکہ سولہ مارچ کو اوپن ٹرائلز ہون گے ‘ہزارہ کے کھلاڑیوں کے ٹرائلز ریجنل سپورٹس آفس ایبٹ آباد میں ہوں گے انیس مارچ کو ویٹس ہونگے جبکہ بیس مارچ کو ٹرائلز منعقد ہوں گے ڈیرہ اسماعیل خان کے کھلاڑیوں کے ٹرائلز گومل یونیورسٹی ڈی آئی خان میں ہونگے 23 مارچ کو ویٹس جبکہ 24 مارچ کو ٹرائلز ہوں گے .

کوہاٹ اور بنوں ریجن کے کھلاڑیوں کے ویٹس چھبیس مارچ اور ستائیس مارچ کو اوپن ٹرائلز کوہاٹ یونیورسٹی آف سائنس اینڈ ٹیکنالوجی میں ہوں گے’انہوں نے کہا کہ کامیاب جوان پروگرام کے تحت گیارہ سے پچیس سال کے کھلاڑیوں کو مواقع دئیے جارہے ہیں بارہ مختلف گیمز کے ٹیلنٹ ہنٹ پروگرام ملک بھر میں شروع ہیں’ریسلنگ کے ٹرائلز دس مختلف ویٹ کیٹیگریز میں منعقد ہوں گے جو 57 کے جی سے لے کر 125 کے جی تک ہوں گی ہر کیٹیگری سے دس بہترین کھلاڑی اور دو باصلاحیت کھلاڑیوں کا انتخاب کیا جائے گا اس طرح پانچ ریجنز ‘اضلاع سے بارہ بارہ کھلاڑی منتخب کئے جائیں گے اور مجموعی طور یر 72 کھلاڑی بنیں گے جو انٹر پراونشل مقابلوں میں شرکت کریں گے اس میں سے بھی بہترین کھلاڑی منتخب کئے جائیں گے اور اس میں بھی ہر صوبے کی سطح پر بارہ بارہ کھلاڑیوں کا انتخاب کیا جائے گا جس کے بعد ان کے درمیان قومی سطح کے مقابلے ہوں گے اس میں بہترین کھلاڑیوں کا انتخاب کیا جائے گا اور پاکستان کی ٹیم کا انتخاب کیا جائے گا بہترین کھلاڑیوں کو ٹریننگ اور مقابلوں کے لئے غیر ملکی دوروں پر بھی بھجوایا جائے گا اور غیر ملکی کوچز سے ان کی تربیت بھی کرائی جائے گی جس کا مقصد کھلاڑیوں کو انٹرنیشنل سطح کے مقابلوں کے لئے تیار کرنا ہے تا کہ دنیا بھر میں مختلف گیمز میں پاکستان کے کھلاڑی ایشین گیمز’سائوتھ ایشین گیمز’اولمپکس اور دیگر انٹرنیشنل ایونٹس میں کامیابیاں حاصل کرکے ملک و قوم کانام روشن کریں.

انہوں نے کہا کہ صوبے کی 33 جامعات میں سے پشاور یونیورسٹی کو ان ٹرائلز کی نگرانی اور آرگنائزنگ کے لئے منتخب کیا گیا ‘ پہلے ڈویژنل ‘پھر صوبائی اور پھر قومی مقابلے ہوں گے ‘صوبائی سطح پر ونر دس کھلاڑیوں کو دس دس ہزار روپے ‘رنر اپ کو پانچ پانچ ہزار روپے اور تیسری پوزیشن حاصل کرنیوالوں کو تین ‘تین ہزار روپے فی کھلاڑی انعام دیا جائے گا ٹرائلز کے تمام ترمعاملات کی ذمہ دار ی ڈائریکٹوریٹ آف سپورٹس پشاور یونیورسٹی کو دی گئی ہے ریسلنگ ٹرائلز میں پندرہ سے پچیس سال کے کھلاڑی حصہ لے رہے ہیں.

6c7368e1-65f4-4c0f-8bd7-308376b72435

جمرود احساس کفالت ون ونڈو دفتر کا افتتاح

وزیر اعظم کے معاون خصوصی برائے غربت و سماجی تحفظ سینیٹر ثانیہ نشتر کا جمرود احساس ون ونڈو آفس کا دورہ
ثانیہ نشتر نے جمرود احساس کفالت ون ونڈو دفتر کا افتتاح کیا۔  اس موقع پر سینیٹر ثانیہ نشتر نے کہا کہ خیبر پختونخوا جمرود میں احساس ون ونڈو دفتر کھول دیا ہے،اور احساس ون ونڈو سہولت کے تحت اہل افراد اب ایک چھت کے نیچے رجسٹریشن و پیمنٹ حاصل کرسکیں گے۔ہماری کوشش ہے کہ پاکستان کے تمام اضلاع میں ون ونڈو کے دفاتر کھولے جائے۔ہمارا حدف ہے کہ ایک کروڑ بچوں کو تعلیمی وظائف دیں۔کے جی سے 12 ویں جماعت تک غریب خاندانوں کے بچوں کو تعلیمی وظائف دے رہے ہیں۔تعلیمی وظائف کا اجراء تمام ملک میں کیا گیا ہے۔ ابتدائی طور پر دو کروڑ افراد کے لئے احساس راشن کا پروگرام شروع کردیا گیا ہے۔وزیر اعظم عمران خان کی ہدایات ہے کہ زیادہ سے زیادہ غریب عوام کو تعاون و مدد فراہم کی جائے۔ہماری کوشش ہے کہ احساس پروگرام کے تحت عوام کو تعاون فراہم کریں۔ہمارے لئے بڑا چیلنج عوام میں آگاہی پیدا کرنا ہے ،تاکہ عوام احساس پروگرام کے تحت وسیع پروگرام سے استفادہ حاصل کرسکیں۔تین ہفتے ہوگئے کہ احساس راشن پروگرام شروع ہوگیا ہے / اہل خاندانوں کو بذریعہ ایس ایم ایس اطلاع دی جارہی ہے۔ہماری تمام افراد سے جو کہ خود کو احساس راشن کے اہل سمجھتے ہیں ان سے درخواست ہے کہ زیادہ زیادہ رجسٹریشن کریں۔اس کے علاوہ میڈیا سے ہماری درخواست ہے کہ اس حوالے سے عوام میں آگاہی پیدا کریں تاکہ زیادہ سے زیادہ لوگ احساس کفالت،احساس راشن اور تعلیمی وظائف سے مستفید ہوسکیں۔

UoP students internship in police stations

پشاور یونیورسٹی کے طلباء پولیس تھانوں میں انٹرنشپ کرینگے

جامعہ پشاور کے ڈیپارٹمنٹ آف سوشل ورک، کمیونٹی سروس پروگرام اور کپیٹل سٹی پولیس پشاور کے درمیان ایک مفاہمت کی یادداشت پر دستخط ہوئے ہیں کی رو سے جامعہ پشاور کے طلباء و طالبات کو پشاور پولیس میں انٹرن شپ فراہم کی جائے گی۔

اس موقع پر وائس چانسلر یونیورسٹی آف پشاور جناب پروفیسر محمد ادریس، کیپٹل سٹی پولیس آفیسر عباس احسن، ڈائریکٹر کمیونٹی سروس پروگرام جناب ڈاکٹر شکیل احمد، فوکل پرسن سوشل ورک جناب ڈاکٹر عمران احمد ساجد، رجسٹرار جامعہ پشاور، ڈائریکٹر پی اینڈ ڈی، اور دوسرے انتظامی اور فیکلٹی ممبران موجود تھے۔

جامعہ پشاور اور کپیٹل سٹی پولیس کے مابین طے پانے والا یہ معاہدہ اقوام متحدہ کے وژن 2030 کے نکتہ نمبر 16 کے تحت عمل میں لایا گیا ہے جس کا مقصد اداروں کو با مقصد، با آثر، شفاف اور جامع (انکلوسیو) بنانا ہے۔

وائس چانسلر جامعہ پشاور جناب پروفیسر محمد ادریس نے اس موقع پر کہا کہ پشاور پولیس کی طرف سے یہ اقدام انتہائی خوش آئند ہے کہ انہوں نے جامع پشاور کے ڈیپارٹمنٹ آف سوشل ورک اور کمیونٹی سروس پروگرام کے تعاون سے طلباء اور پولیس کے درمیان تعلق کو مضبوط و مربوط بنانے کے لئے آج کے معاہدے کا نہ صرف ارادہ کیا بلکہ اس کے لئے عملی اقدامات بھی اٹھانا شروع کر دیئے ہیں۔

کیپٹل سٹی پولیس آفیسر عباس احسن نے اس موقع پر واضح کیا کہ صوبہ کے سب سے قدیمی درسگاہ ہونے کے ناطے یہاں سے فارغ التحصیل ہونے والے طلباء پاکستان کے ہر ادارے میں اپنی خدمات سر انجام دے رہے ہیں۔

انہوں نے مزید کہا کہ جامعہ پشاور کے طلباء و اساتذہ کے ساتھ رابطہ کاری کے بدولت پولیس کے نظام و مزاج میں مزید بہتری کی کافی امید ہے۔

انہوں نے مزید کہا کہ معاہدے کی رو سے سوشل ورک ڈیپارٹمنٹ کے بعد طلباء سوسائٹیز اور سائیکالوجی ڈیپارٹمنٹ کے طلباء کو بھی شامل کیا جائے گا جس سے پولیس اور عوام کے مابین خلیج کو مزید کم کرنے میں مدد ملے گی اور طلباء پولیسنگ کے حوالے سے آگاہی حاصل کر سکیں گے۔

سی سی پی او عباس احسن نے واضح کیا کہ اس پروگرام سے پولیس اور کمیونٹی کے مابین حائل خلیج کو مزید کم کیا جا سکے گا، انہوں نے مزید کہا کہ ابتدائی طور پر سوشل ورک ڈیپارٹمنٹ کے تیس طلباء کو انٹرشپ فراہم کی جائے گی۔

سی سی پی او کا کہنا تھا کہ ایم او یو کا بنیادی مقصد کمیونٹی کو انگیج کرنا ہے جس سے پولیسنگ سمیت کمیونٹی ریلیشن اور پولیس کے جنرل پرفارمنس کو مزید بہتر بنانے میں مدد ملے گی، انہوں نے مزید کہا کہ چاہتے ہیں کہ طلباء تھانوں میں آنے والے شہریوں کے مسائل کو سنیں اور تجاویز دیں جس سے شہریوں کے مسائل کو زیادہ بہتر انداز میں حل کرنے میں مدد ملے گی۔

سی سی پی او عباس احسن نے کہا کہ طلباء خصوصی پروگرام کے تحت ریسرچ کر سکیں گے اور درپیش مسائل کا بہترین حل تجویز کر سکیں گے جس سے جنرل کمیونٹی کو فائدہ ملے گا۔

انہوں نے واضح کیا کہ اگلے مرحلے میں سوشل ورک ڈیپارٹمنٹ کے ساتھ ساتھ سٹوڈنٹ سوسائٹیز، سائیکالوجی ڈیپارٹمنٹ کے طلباء کو بھی شامل کیا جائے گا۔

واضح رہے کہ انٹرن شپ پروگرام کے تحت طلباء و طالبات چھ ہفتے تک مختلف تھانوں میں کام کریں گے جبکہ یہ معاہدہ تین سال کے لئے کیا گیا ہے۔

New cap

Newly Merged Districts’ Public Taken On Board over Development work

A  consultative  meeting  of Accelerated Implementation Program (AIP)  for newly merged districts  of the province  was organised by district administrations of respective areas . The aim of  the these public meetings is to  apprise the common public and their representatives about the ongoing development projects as well as listen to take their suggestions into consideration.

Detailed briefing was delivered on overall infrastructure,  welfare, communication system, education, health and miscellenous projects completed in various areas of the newly merged districts  and future plans of development. The  meetings were held in Khar, district  Bajaur,  Kurram, Wana , district South Waziristan,  and Miranshah (District North Waziristan).

The gathering was attended by public representatives,   government  officials of all departments, elders / notables, youth and media persons.

on the occasion the participants were apprised about development projects  and activities undertaken by government during last  three years after  FATA merger . The participants were also briefed about future development plan of three years.

On the occasion, the grievances of the people of the merged districts in the light of development works already done and those planned in future were also taken into consideration. To accommodate suggestions and concerns of the people of these districts, further meetings will be held and continue till March 18 at sub-division and tehsil  level at merged districts.