تحصیل میرعلی چیئرمین شپ کے انتخاب کیلئے 9 پولنگ سٹیشنز پر پولنگ کا عمل شروع ہوگیا ہے
پولنگ کا عمل شام پانچ بجے تک جاری رہے گا۔
شیواہ میں بیلٹ بکسز چھیننے اور میرعلی میں جنرل کونسلر کے امیدوار کے قتل کی وجہ سے دوبارہ پولنگ ہورہی ہے۔ انتخابات میں 12 ہزار سے زیادہ مرد و خواتین ووٹرز اپنے حق رائے دہی استعمال کررہے ہیں اورپرامن الیکشن کے انعقاد کیلئے سخت سیکیورٹی اقدامات کئے گئے ہیں۔
پرامن انتخابات کو یقینی بنانے کیلئے ضلع بھر میں دفعہ 144 نافذ ہے جبکہ خواتین پولنگ اسٹیشن میں مردوں کے داخلے پر پابندی ہے۔ پولنگ اسٹیشنز اور قریبی عمارتوں کی چھتوں پر کسی کو جانے کی اجازت نہیں ہے۔ پابندی کا اطلاق 23 مئی تک ہوگا اور اس کے علاوہ اسلحہ کی نمائش، ہوائی فائرنگ اور پولنگ اسٹیشنز کے اندر غیر متعلقہ ووٹر کے داخلے پر بھی پابندی ہے۔
