صوبائی وزیر کھیل و امور نوجوانان نے کہا ہے کہ رواں ماہ صوبے میں انٹر کالجیٹ گیمز اور ٹیلنٹ ہنٹ مقابلوں کا آغاز کیا جائے گا۔ یہ بات انہوں نے ایک اجلاس میں بتائی جس میں صوبائی وزیر کو متعلقہ حکام نے مختلف منصوبوں پر پیش رفت بارے آگاہ کرتے ہوئے بتایا کہ 14 نومبر سے صوبے میں انٹر کالجیٹ گیمز کا آغاز کیا جارہا ہے ۔ان میں لڑکوں اور خواتین کے لئے کرکٹ ، والی بال ، فٹبال اور بیڈمنٹن کے مقابلے منعقد کئے جائینگے لڑکوں کے کھیلوں کے مقابلے پشاور جبکہ خواتین کے مقابلے چارسدہ سپورٹس کمپلیکس میں ہونگے، اجلاس کو مزید بتایا گیا کہ صوبے کے 290 سرکاری کا لجز کے تقریباً پندرہ ھزار مختلف کھیلوں کے کھلاڑی ان مقابلوں میں حصہ لیں گے۔
اسکے علاؤہ صوبے میں فوٹوگرافی ،ویڈیو گرافی، نعت، قرات، تھیمیٹک آ رٹ اورگرافک ڈیزائننگ وغیرہ پر مشتمل ٹیلنٹ ہنٹ مقابلے شروع بھی کئے جائینگے۔
