پناہ گاہوں میں قیام پذیر افراد کو سردی سے بچانے کیلئے انتظامات کا حکم

اسلام آباد: وزیراعظم عمران خان نے پناہ گاہوں میں قیام پذیر افراد کو سردی کی شدت سے بچانے کے لیے مناسب انتظامات کا حکم دیا۔
وزیر اعظم نے پناہ گاہوں میں موجود افراد کو گرم کپڑے، ٹوپیاں، جرابیں وغیرہ تقسیم کرنے کی ہدایت کرتے ہوئے کہاکہ سرد موسم میں پناہ گاہ آنے والوں کا مکمل احساس کیا جائے۔وزیراعظم کی ہدایت پر مختلف پناہ گاہوں میں حفاظتی سامان تقسیم کرنے کی تیاری مکمل کرلی گئی،جی نائن، پشاور روڈ، شہزاد ٹاؤن، منڈی موڑ، بہارہ کہو اور ترنول پناہ گاہوں میں سامان تقسیم ہوگا۔