Voice of Khyber Pakhtunkhwa
Thursday, December 1, 2022

ویمن ایشیا کپ:پاکستانی خواتین ٹیم کی بھارت کے خلاف شاندار کامیابی

بنگلادیش میں جاری ویمن ایشیا کپ میں پاکستان نے بھارت کو13 رنز سے شکست دے دی۔

پاکستان نے بھارت کی ویمنز ٹیم کو 2016 کے بعد پہلی بار کسی بین الاقوامی کرکٹ میچ میں شکست دی۔ ویمن ایشیا کپ میں پاکستان کی بھارت کے خلاف یہ پہلی فتح ہے۔

پاکستان نے ٹاس جیت کے بیٹنگ کا فیصلہ کیا۔ پاکستان کی دونوں اوپنرز 5 ویں اوور  میں آوٹ ہوگئیں۔ کپتان بسمہ معروف نے 32 رنز کی اننگز کھیلی۔ ندا ڈار نے  پاکستان کی جانب سے شاندار بیٹینگ کی۔ انھوں نے 37 گیندوں پر 56 رنز اسکور کئے اور ناٹ آؤٹ رہیں۔

بھارت کی جانب سے دیپیتی شرما نے 27 رنز دے کر 3 وکٹ حاصل کئے۔ پاکستان نے مقررہ 20 اوورز میں 137 رنز بنائے اور اس کے 6 کھلاڑی آؤٹ ہوئے۔

بھارت نے ہدف کا تعاقب شروع کیا لیکن پاکستانی بالرز سامنے بھارتی خواتین زیادہ دیر نہ ٹک سکیں۔ پاکستان کی بالر نشرا ساندھو نے 3 کھلاڑی آؤٹ کئے۔ندا ڈار کے حصہ میں 2 وکٹیں آئیں۔ سعدیہ اقبال اور طوبیٰ حسن نے ایک ایک کھلاڑی آؤٹ کیا۔

پاکستان کی جانب سے شاندار آل راؤنڈ کارکردگی پر ندا ڈار کو کھیل کی بہترین کھلاڑی کا ایوارڈ دیا گیا۔

About the author

Leave a Comment

Add a Comment

Your email address will not be published. Required fields are marked *

Shopping Basket