Voice of Khyber Pakhtunkhwa
Thursday, December 1, 2022

عالمی ادارہ صحت کے نمائندہ ٹائیفائیڈ مہم کی نگرانی کیلئے پشاور پہنچ گئے

عالمی ادارہ صحت کے نمائندہ برائے پاکستان ڈاکٹر پالیتھا ماہیپالا ٹائیفائیڈ مہم کی نگرانی کیلئے پشاور پہنچ گئے

پشاور : عالمی ادارہ صحت کے نمائندہ نے سکول بچوں کو ٹائیفائیڈ ویکسین لگواکر سکول میں مہم کا افتتاح کیا. ترجمان عالمی ادارہ صحت کے مطابق عالمی ادارہ صحت کے نمائندہ پشاور کے مختلف مراکز صحت میں ٹائیفائیڈ کمپین کی نگرانی کرینگے۔

نمائندہ نے بچوں سے ٹائیفائیڈ بارے سوالات بھی کئے۔ڈاکٹر پالیتھا ماہیپالا نے بچوں اور والدین کو کہا کہ وہ انہیں ویکسین لگوانے پر قائل کرنے آئے ہیں ۔

کل سے شروع ہونے والے ٹائیفائیڈ کمپین کی مالی و تکنیکی معاونت عالمی ادارہ صحت فراہم کررہا ہے ۔ کمپین کے نفاذ و تکمیل کیلئے مخصوص تربیت بھی عالمی ادارہ صحت نے فراہم کی ہے۔

کمپین کیلئے ٹائیفائیڈ سے بچاو کی تقریبا تین ملین ویکسین بھی عالمی ادارہ صحت نے گاوی تنظیم کے تعاون سے محکمہ صحت کو فراہم کی ۔صوبہ بھر کے 22 اضلاع میں 9 ماہ سے 15 سال تک کے تقریبا28 لاکھ بچوں کو ٹائیفائیڈ سے بچاو کی ویکسین لگائی جارہی ہے ۔

پشاور کی 52 شہری یونین کونسلوں کے 896724 بچوں کو ٹائفائیڈ سے بچاؤ کے ٹیکے لگائیں جائیں گے۔ ان اقدامات کا مقصد خیبرپختونخوا سے ٹائیفائیڈ کا خاتمہ کرنا ہے۔

About the author

Leave a Comment

Add a Comment

Your email address will not be published. Required fields are marked *

Shopping Basket