Voice of Khyber Pakhtunkhwa
Saturday, October 1, 2022

ضم شدہ اضلاع کے تمام سکولوں میں فرنیچر کی فراہمی کی منظوری

صوبائی وزیر تعلیم شہرام خان ترکئی نے کہا ہے کہ صوبے کے تمام اضلاع کے تمام سکولوں میں کوالٹی فرنیچر کی فراہمی جاری ہے اب کوئی بھی بچہ ٹاٹ  پر نہیں بیٹھے گا جبکہ اسی طرز پر ضم شدہ اضلاع کے تمام سکولوں میں بھی سنٹرلائیزڈ ٹینڈر کے ذریعے فرنیچر دیں گے.  جس کے لیے تمام تیاریاں مکمل ہیں. ڈیمانڈ کے تحت ضم شدہ تمام اضلاع کے 3لاکھ 81ہزار 6سو 97 طلباء و طلبات کو  فرنیچر دیا جائے گا جس کے لیے 871 ملین سے زائد کا تخمینہ لگایا گیا ہے۔

 انہوں نے کہا ہے کہ طلباء کو سہولیات کی فراہمی اولین ترجیح ہے ہر کلاس میں کوالٹی فرنیچر اور میرٹ پر تعینات قابل اور زہین اساتذہ میسر ہوں گے۔

 ان خیالات کا اظہار انہوں نے محکمہ تعلیم جائزہ اجلاس کی صدارت کرتے ہوئے کیا۔  سیکرٹری ایجوکیشن  یحییٰ اخونزادہ، ایڈیشنل سیکریٹری عبدلاکرم،  ایڈیشنل سیکریٹری ریفارمز اشفاق احمد ، ڈائریکٹر ایجوکیشن حافظ محمد ابراہیم اور محکمہ تعلیم کے دیگر اعلیٰ حکام نے اجلاس میں شرکت کی۔

صوبائی وزیرتعلیم شہرام خان ترکئی نے ایجوکیشن حکام کو ہدایت کی کہ مختلف ضم اضلاع میں فرنیچر کی خریداری سنٹرلائیزڈ نظام کے تحت ہوگی اور ضم شدہ اضلاع کی پہلے سے شائع شدہ تمام فرنیچر ٹینڈرز جلد از جلد منسوخ کریں۔

 وزیر تعلیم شہرام خان ترکئی نے محکمہ تعلیم میں کوالٹی ایجوکیشن کو یقینی بنانے کے لئے اسکول لیڈرز کی تعیناتی کا عمل شروع کرنے کے لیے اشتہارشائع کرنے کی منظوری دے دی۔  انہوں نے کہا کہ سکول لیڈرز کی تعیناتی سے درس و تدریس کے نظام میں بہتری یقینی ہو جائے گی۔

بریفنگ کے دوران وزیر تعلیم کو بتایا گیا کہ مختلف اضلاع میں فرنیچر کی فراہمی کا عمل جاری ہے اور محکمہ تعلیم کی طرف سے نوٹیفائیڈ انسپکشن کمیٹیوں نے کوالٹی انسپکشن کا عمل شروع کیا ہے۔  وزیر تعلیم شہرام خان ترکئی نے ہدایت کی کہ فرنیچر فراہمی کے عمل میں مزید تیزی لائی جائیں اور تمام ڈسٹرکٹ ایجوکیشن آفیسرز  پراگریس رپورٹ بھیجا کریں۔

 وزیر تعلیم شہرام خان ترکئی کو پبلک پرائیویٹ پارٹنرشپ اور مختلف سکولوں کی کارکردگی پر بھی بریفنگ دی گئی۔

About the author

Leave a Comment

Add a Comment

Your email address will not be published. Required fields are marked *

Shopping Basket