Voice of Khyber Pakhtunkhwa
Friday, October 7, 2022

سینئر اداکار رشید ناز 73برس کی عمر میں انتقال کرگئے

پاکستان شوبز انڈسٹری کے نامور اداکار رشید ناز 73 برس کی عمر میں انتقال کر گئے ہیں۔
میڈیا رپورٹس کے مطابق رشید ناز کے بیٹے حسن نعمان کا کہنا ہے کہ والد کافی عرصے سے علیل تھے اور وفاقی دارالحکومت اسلام آباد کے ایک ہسپتال میں زیرعلاج تھے۔معروف اداکاررشید ناز 9 ستمبر 1948 کو خیبرپختون خوا میں پیدا ہوئے اور بےشمار فلموں اور ڈراموں میں اداکاری کے جوہر دکھائے۔1971ء میں انہوں نے پشتو ڈرامے میں بطور اداکار اپنے ٹیلی ویژن کیریئر کی شروعات کی۔
رشید ناز نے متعدد پشتو، ہندکو اور اردو زبان کے ڈراموں میں کام کیا۔ انکا پہلا اردو ڈرامہ “ایک تھا گاؤں” تھا جو 1973ء میں نشر ہوا۔ ان کا پہلا مقبول ڈرامہ “ناموس” تھا۔ اُنہوں نے پاکستان کے پہلے نجی ٹیلی ویژن کے ڈرامے “دشت” میں بھی کردارنبھایا۔1988میں اپنی پہلی پشتو فلم “زما جنگ”میں اداکاری کوخوب نبھایا۔
انکی پہلی اردو فلم سید نور کی “ڈکیت” تھی جبکہ شعیب منصور کی فلم”خدا کے لیے” میں بھی دکھائی دیئے۔اداکار نے شعیب منصور کے ایک معروف ویڈیو گانے “عشق محبت اپنا پن” میں ایمان علی کے ہمراہ بھی کام کیا۔رشید ناز کی مشہور فلموں میں کراچی سے لاہور، ورنہ، خدا کے لیے اورکئی دیگر شامل ہیں۔اداکار نے خدا زمین سے گیا نہیں ہے ، انوکھی ، انکار، اپنے ہوئے پرائے، غلام گردش، ناموس،دوسرا آسمان، پتھر ، آن سمیت متعدد ڈراموں میں اپنی جاندار اداکاری سے شائقین کے دل میں گھر کیے رکھا۔

About the author

Leave a Comment

Add a Comment

Your email address will not be published. Required fields are marked *

Shopping Basket