Voice of Khyber Pakhtunkhwa
Thursday, March 28, 2024

الیکشن کمیشن نے قومی ،صوبائی اسمبلیوں کی نئی حتمی حلقہ بندیاں جاری کر دیں

الیکشن کمیشن آف پاکستان نے قومی ،صوبائی اسمبلیوں کی نئی اور حتمی حلقہ بندیاں جاری کر دی ہیں۔

قومی اسمبلی کی 266 جنرل نشستیں بنائی گئی ہیں۔چاروں صوبائی اسمبلیوں کی 593 جنرل نشستیں ہیں۔  ملک بھر میں قومی اور صوبائی اسمبلیوں کی کل  859 جنرل نشستوں کے حلقے بنائے گئے ہیں۔

حلقہ بندی فہرست کے مطابق  بلوچستان اسمبلی کی 51 ، خیبر پختونخوا اسمبلی کی 115 ، پنجاب اسمبلی کی 297، سندھ اسمبلی کی 130سیٹیں ہیں۔

قومی اسمبلی میں پنجاب کی 141 ، سندھ کی 61 ، بلوچستان کی 16 ،پختونخوا کی 45 اور وفاقی دارالحکومت اسلام آباد کی 3 سیٹیں رکھی گئی ہیں۔

25 ویں آئینی ترامیم کے بعد قومی اسمبلی کی 6 نشستیں کم کر دی گئیں ۔کے پی میں انضمام کے بعد سابق فاٹا ایریا کی اب 12 کی بجائے قومی اسمبلی میں 6 نشستیں ہونگی۔الیکشن کمیشن نے حلقہ بندیاں چھٹی مردم شماری کے نتائج کے تحت کی ہیں۔

نئی حلقہ بندیوں کی فہرست جاری ہونے کے بعد ملک میں اب نئے انتخابات کی راہ ہموار ہو گئی ہے،الیکشن کمیشن اب 90 روز کے اندر انتخابات کروانے کی پوزیشن میں آگیاہے۔

About the author

Leave a Comment

Add a Comment

Your email address will not be published. Required fields are marked *

Shopping Basket