Voice of Khyber Pakhtunkhwa
Monday, September 26, 2022

آپریشن سوئفٹ ریٹارٹ: مسلح افواج مادر وطن کے دفاع کے لئے پر عزم

آپریشن سوئفٹ ریٹارٹ کو3 سال مکمل ہو گئے ہیں۔ اس موقع پر نا صرف پاکستانی عوام تین سال پہلے بھارت کو منہ توڑ جواب دینے پر خوشی کا اظہار کررہے ہیں بلکہ اس عزم کا بھی اعادہ کررہے ہیں کہ آئندہ بھی دشمن کی ہر قسم کی جارحیت کا اسی طرح سے جواب دیں گے۔

اس سلسلے میں ڈی جی آئی ایس پی آر نے پاکستان کے بھارت کے خلاف آپریشن سوئفٹ ریٹارٹ کے تین سال مکمل ہونے پر ٹوئٹر پر پیغام جاری کیا ہے۔

 

ڈی جی آئی ایس پی آر نے ٹوئٹر پر جاری پیغام میں کہا آج آپریشن سوئفٹ ریٹارٹ کو تین سال مکمل ہوگئے ہیں، آپریشن سوئفٹ ریٹارٹ میں پاکستان نے بھارت کی ناکام جارحیت کا بھرپور جواب دیاتھا، پاک فضائیہ کی جانب سے بھارت کے دو جنگی طیارے مار گرانا بڑی کامیابی تھی، پاک بحریہ نے سمندر میں بھارتی آبدوز کا سراغ لگایا۔

ڈی جی آئی ایس پی آر نے مزید کہا پاک فوج نے بھارتی جارحیت کا پیشہ ورانہ انداز میں موثر جواب دیا، مسلح افواج مادر وطن کے دفاع کے لئے پر عزم ہیں، قوم کا عزم اورمسلح افواج کی پیشہ ورانہ تیاری مشکل میں کامیابی کی کلید ہے، جارحیت کے جواب میں صرف ہتھیار اور تعداد نہیں بلکہ قوم کا عزم اورمسلح افواج کی آپریشنل تیاریاں کامیاب رہتی ہیں، پاکستان زندہ باد۔

About the author

Leave a Comment

Add a Comment

Your email address will not be published. Required fields are marked *

Shopping Basket